चिंताजनक! देशात कोरोनाचा स्फोट; 24 तासात 58 हजार 97 नवे रुग्ण, 534 मृत्यू | Sakal
sakal

बोलून बातमी शोधा

corona news

भारतात कोरोना रुग्णांच्या संख्येत काल दिवसभरात मोठी वाढ झाली. एका दिवसात ५८ हजार ९७ जणांना कोरोनाची लागण झाली.

देशात कोरोनाचा स्फोट; 24 तासात 58 हजार 97 नवे रुग्ण, 534 मृत्यू

भारतात कोरोना रुग्णांच्या संख्येत मंगळवारी मोठी वाढ झाली. एका दिवसात ५८ हजार ९७ जणांना कोरोनाची लागण झाली. मृतांची संख्याही दिवसभरात वाढली आहे. मंगळवारी दीडशेपेक्षा कमी असणारी मृत्यूची संख्या आज अचानक ५३४ वर पोहोचली आहे. तर गेल्या २४ तासात १५ हजार ३८९ जण कोरोनामुक्त झाले आहेत.

केंद्रीय आरोग्य मंत्रालयाने दिलेल्या माहितीनुसार, भारतातील सक्रीय रुग्णांची संख्या वाढली आहे. देशात सध्या २ लाख १४ हजार ४ जण कोरोनावर उपचार घेत आहेत. तर आतापर्यंत कोरोनामुळे ४ लाख ८२ हजार ५५१ जणांचा मृत्यू झाला आहे. गेल्या २४ तासात १५ हजार ३९८ जणांनी कोरोनावर मात केली. आतापर्यंत देशात ३ कोटी ४३ लाख २१ हजार ८०३ जण कोरोनामुक्त झाले आहेत.

हेही वाचा: बिहारमध्ये रात्रीचा कर्फ्यू, मंदिरं बंद, सिनेमागृहांनाही कुलूप

देशात कोरोना प्रतिबंधक लसीची लसीकरण मोहिम वेगाने सुरु आहे. यातच आता १५ ते १८ वयोगटातील मुलांसाठी लसीकरणही ३ जानेवारीला सुरु झाले. आतापर्यंत देशात 147 कोटी 72 लाख लसींचे डोस देण्यात आले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :CoronavirusIndia
loading image
go to top