Corona Update : महाराष्ट्रात रुग्णवाढ सुरुच; देशात नवे 24,492 रुग्ण

नवी दिल्ली : भारतात गेल्या 24 तासांत कोरोनाचे नवे 24,492 रुग्ण सापडले आहेत. या नव्या रुग्णांसह देशातील आजवरचे एकूण रुग्ण 1,14,09,831 झाले आहेत. काही दिवसांपूर्वी देशात 8 ते 9 हजारांच्या जवळपास कोरोनाबाधित रुग्ण सापडत होते. पण, आता कोरोना रुग्णांची संख्या झपाट्याने वाढू लागल आहे. मार्च महिन्याच्या सुरुवातीपासून चिंता वाढली आहे. देशातील कोरोनाबाधित रुग्णांची संख्या पुन्हा 26 हजारांच्या पुढे गेली आहे. कोरोनाची स्थिती पाहता पंतप्रधान नरेंद्र मोदी यांनी 17 मार्चला मुख्यमंत्र्यांसोबत बैठक बोलावली आहे.

गेल्या 24 तासांत 20,191 रुग्ण बरे झाले असून एकूण बरे झालेल्या रुग्णांची संख्या ही 1,10,27,543  वर पोहोचली आहे. देशात काल 131 रुग्णांचा मृत्यू झाला आहे. या नव्या मृतांसह देशातील आजवरच्या एकूण मृतांची संख्या ही 1,58,856 वर पोहोचली आहे. सध्या देशात 2,23,432 रुग्ण ऍक्टीव्ह आहेत. याबाबतची माहिती केंद्रीय आरोग्य मंत्रालयाने दिली आहे. आतापर्यंत देशात 3,29,47,432 जणांचे लसीकरण करण्यात आले आहे. 

हेही वाचा - 'ममता खोटारड्या, त्यांचं नामांकन रद्द व्हावं'; प्रतिज्ञापत्रावरुन सुवेंदु अधिकारींचा आरोप

राज्यात आज 15051 कोरोना बाधीत रुग्णांची वाढ झाली व आज नवीन 10671 कोरोना बाधित रुग्ण बरे झाले आहेत.एकूण 2144743 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 130547 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 92.07% झाले आहे. महाराष्ट्रात कोरोना स्थिती बिघडत चालल्याने राज्यात नव्या कठोर निर्बंधाची घोषणा करण्यात आली आहे. अनेक शहरांमध्ये नाईट कर्फ्यूची घोषणा करण्यात आली आहे. तसेच अनेक राज्ये कर्फ्यू करण्याबाबत विचार करत आहेत. शिवाय अनेक राज्यांमध्ये हळूहळू निर्बंध लावले जात आहेत. लोकांना कोरोनाचे सर्व नियम पाळण्याचे आवाहन करण्यात आले आहे.