देशात सक्रीय रुग्णसंख्येत मोठी घट; कोरोनामुक्त होण्याचं प्रमाण वाढलं

देशात कोरोना (Coronavirus) रुग्णांची संख्या झपाट्याने कमी होत चालली आहे. आरोग्य मंत्रालयाने (Health Ministry Of India) दिलेल्या माहितीनुसार, देशात गेल्या २४ तासात ५८ हजार ७७ नवे कोरोना रुग्ण आढळून आले आहेत. तर १ लाख ५० हजार ४०७ जणांनी कोरोनावर मात केली आहे. (India Corona Update Today)

तीन दिवसांनंतर देशात एका दिवसात मृत्यू झालेल्यांची संख्या १ हजारहून कमी झाली आहे. काल दिवसभरात देशात कोरोनामुळे ६५७ जणांचा मृत्यू झाला. ६ फेब्रुवारीला देशात ८९५ जणांनी कोरोनामुळे प्राण गमावले होते. दैनंदिन पॉझिटिव्हीटी रेट हा ३.९८ टक्के इतका खाली आला आहे.

सध्या देशात नव्या रुग्णसंख्येच्या तुलनेत कोरोनामुक्त होणाऱ्यांचे प्रमाण अधिक आहे. यामुळे सक्रीय रुग्णांची संख्याही कमी होत चालली आहे. सध्या देशात ६ लाख ९७ हजार ८०२ कोरोनाचे रुग्ण आहेत. देशातील एकूण कोरोना बाधितांची संख्या ४ कोटी २५ लाख ३६ हजार १३७ वर पोहोचली आहे. याशिवाय ४ कोटी १३ लाख ३१ हजार १५८ जण कोरोनामुक्त झाले आहेत. आतापर्यंत देशात कोरोनामुळे ५ लाख ७ हजार १७७ जणांचा मृत्यू झाला आहे.