Corona Update : देशात आजवर 1,57,930 मृत; राज्यात 97,637 रुग्ण ऍक्टिव्ह

नवी दिल्ली : भारतात गेल्या 24 तासांत कोरोनाचे नवे 15,388 रुग्ण सापडले आहेत. या नव्या रुग्णांसह देशातील आजवरच्या एकूण रुग्णांची संख्या ही 1,12,44,786 वर पोहोचली आहे. काल देशात 16, 596 रुग्ण बरे झाले आहेत. या नव्या बऱ्या झालेल्या रुग्णांसह देशातील आजवरच्या एकूण बऱ्या झालेल्या रुग्णांची संख्या ही 1,08,99,394 वर पोहोचली आहे. काल 77 रुग्णांचा मृत्यू झाला आहे. या नव्या मृतांसह देशातील आजवरच्या एकूण मृतांची संख्या ही 1,57,930 वर पोहोचली आहे. सध्या देशात ऍक्टीव्ह रुग्णांची संख्या ही 1,87,462 वर पोहोचली आहे. 

काल 7.4 लाख कोरोनाच्या चाचण्या करण्यात आल्या. या नव्या चाचण्यांसह देशातील आजवरच्या एकूण चाचण्यांची संख्या ही 22 कोटींच्या वर गेली आहे. याबाबतची माहिती ICMR ने दिली आहे. 

हेही वाचा - आत्ताच करुन घ्या बँकेची कामे; मार्च महिन्यात तब्बल 12 दिवस बंद असतील बँका

राज्यात काल 8,744 कोरोना बाधीत रुग्णांची वाढ झाली आहे. तसेच  नवीन 9,068 कोरोना बाधित रुग्ण बरे झाले आहेत. एकूण 20,77,112 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 97,637 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 93.21% झाले आहे.