Corona Vaccination : पहिल्या दिवशी सरकार लक्ष्यापासून दूर राहिले; पण...

Corona Vaccination :  पंतप्रधान नरेंद्र मोदी यांच्या हस्ते शनिवारी देशातील सर्वात मोठ्या कोरोना लसीकरण मोहिमेला सुरुवात झाली. आरोग्य मंत्रालयाने पत्रकार परिषदेत पहिल्या दिवशी देशात किती लोकांना लस देण्यात आली यासंदर्भातील माहिती दिली. कोरोना लसीकरण मोहिमेच्या पहिल्या दिवशी 1 लाख 65 हजार 714 लोकांनाच लस देण्यात आली आहे. 

केंद्रीय आरोग्य मंत्रालयाकडूनपत्रकारपरिषदेत देण्यात आलेल्या माहितीनुसार, लसीकरण मोहिमेच्या पहिल्या दिवशी देशभरातील  1 लाख 65 हजार 714 लोकांना लस टोचण्यात आली. यापूर्वी सरकारने पहिल्या दिवशी 3 लाख लोकांना लस टोचण्याचे टार्गेट ठेवले होते. आरोग्य मंत्रालयाने दिलेल्या आकडेवारीवरुन पहिल्या दिवशी टार्गेट पूर्ण करण्यात सरकार मागे पडल्याचे दिसते.  

लसीचे दुष्परिणाम झाले तर नुकसान भरपाई देणार - भारत बायोटेक

लसीकरणासाठी  3,351 केंद्र तयार करण्यात आली आहेत. या केंद्रावर  16,755 कर्मचाऱ्यांची नियुक्ती करण्यात आली होती. लस दिलेल्या  कोणत्याही व्यक्तीला दुष्परिणाम झालेला नाही. तसेच कोणालाही रुग्णालयात दाखल करण्याची वेळ आलेली नाही, ही दिलसादायक माहितीही आरोग्यमंत्रालयाने दिली आहे. बिहारमध्ये 16 हजार 401 लोकांना लस टोचण्यात आली.  दुसरीकडे दिल्लीत 3403, गुजरातमध्ये 8557 लोकांना लस देण्यात आली.  उत्तर प्रदेशमध्ये 15 हजार 975 लोकांना लस टोचण्यात आली.