संपुर्ण देशाला हादरा देणारी बातमी! लवकरात लवकर लस न आल्यास भारतात दररोज बाधितांची संख्या 'इतकी' होणार

मुंबई: भारतातील कोरोनाची साथ लवकरच आटोक्यात येईल अशी आशा प्रत्येकजण बाळगून आहे, पण पुढील वर्षी भारतात दिवसाला अडीच लाखाहून जास्त बाधित एका दिवशी आढळतील, असा इशारा देण्यात आला आहे. 
कोरोनाचे रुग्ण वाढणार असल्याचे अंदाज रोज व्यक्त केले जात आहेत. आता मॅसेच्युसेट्स इन्स्टिट्यूट ऑफ टेक्नॉलॉजीच्या अंदाजाने भारतीयांची धास्ती चांगलीच वाढेल. त्यांच्या अहवालानुसार नुसार पुढील वर्षी हिवाळ्यात भारतात दिवसाला पावणे तीन लाखापर्यंत कोरोना रुग्ण आढळतील असा इशारा देण्यात आला आहे. याच अंदाजानुसार अमेरिकेत 95 हजार 400, दक्षिण आफ्रिकेत 20 हजार 600, इराणमध्ये 17 हजार, इंडोनेशियात 13 हजार 200, ब्रिटनमध्ये 4 हजार 200, नायजेरिया तसेच तुर्कीत प्रत्येकी 4 हजार, फ्रान्समध्ये 3 हजार 300 तर जर्मनीत 3 हजार रुग्ण रोज आढळण्याची शक्यता आहे. 

वाचा - हॉटस्पॉट ठरलेल्या 'या' भागात डोअर-टू-डोअर स्क्रिनिंग 'फेल'

भारतात गेल्या काही दिवसांपासून कोरोना रुग्णात सातत्याने वाढ होत आहे. आता कोरोनावरील लस किंवा औषध न सापडल्यास त्या रुग्णात वाढ वेगाने वाढ होईल, असा इशारा मॅसेच्युसेट्स इन्स्टिट्यूट ऑफ टेक्नॉलॉजीने दिला आहे.  या टेक्नॉलॉजिच्या स्लोन स्कूल ऑफ मॅनेजमेंटमधील तेथील हझिर राहमंदाद, टी वाय लिम आणि जन स्टेर्मन यांनी जगभरातील कोरोना साथीचा अभ्यास केला आहे. त्यानुसार भारतातील कोरोना रुग्णांची संख्या 2021 मध्ये दिवसाला सरासरी 2 लाख 87 हजारांनी वाढणार आहे. 

वाचा - कोविड मृतदेहांचा खेळ मांडला; गायकवाडांचा मृतदेह सोनावणेंकडे, सोनावणे मात्र जिवंतच..

जगभरात 2021 च्या हिवाळ्यापर्यंत 24 कोटी 90 लाख रुग्ण असतील, तसेच 17 लाख 50 हजार जणांचे कोरोनामुळे निधन झाले असेल. जगातील 84 देशांना याचा सर्वाधिक फटका बसलेला असेल. कोरोनावरील लस तसेच औषध न मिळाल्यास हे घडणार असल्याचे अहवालात आवर्जून म्हंटले आहे. सुरक्षित अंतर आणि सरकारने साथ रोखण्यासाठी केलेल्या उपायांवरच कोरोनाची साथ अवलंबून असेल, 

 VIDEO : रोबोट 'गोलर' रुग्णांच्या सेवेत दाखल; कोरोना योद्धांची जोखीम कमी होणार

अभ्यासकांनी 84 देशातील कोरोना रुग्णवाढीचा अभ्यास करुन हा अहवाल सादर केला आहे. त्यात सध्या होत असलेल्या चाचणी, त्या चाचणीत प्रत्येक दिवसाला 0.1 टक्क्यांची झालेली वाढ त्याचबरोबर एका नव्या रुग्णामुळे आठ जणांना बाधा होईल असे गृहीत धरण्यात आले आहे. त्याचबरोबर अभ्यासाठी संशयीत रुग्ण, बाधा होण्याचा धोका असलेल्या व्यक्ती, बाधीत तसेच कोरोनातून बरे झालेले यानुसार अभ्यास करण्यात आला आहे.