Madhya Pradesh Medicine Issue: मध्य प्रदेशातल्या छिंदवाडा येथे दूषित कफ सीरपच्या सेवनाने २२ चिमुकल्यांचा जीव गेला आहे. या घटनेमुळे संपूर्ण देशात घबराहट पसरली असून दोषींवर कठोर कारवाई करण्याची मागणी करण्यात येतेय. यातच आता जागतिक आरोग्य संघटनेने या प्रकरणात एन्ट्री घेतली आहे.
भारतामध्ये बनलेलं हे दूषित औषध देशाबाहेर तर पाठवलेलं नाही ना? असा प्रश्न जागतिक आरोग्य संघटनेने भारतातल्या अधिकाऱ्यांना विचारला आहे. याबाबत अधिकृत माहिती घेतल्यानंतर कफ सीरप, कोल्ड्रिफ यावर 'ग्लोबल मेडिकल प्रॉडक्ट अलर्ट' जारी करण्याबाबत निर्णय घेणार आहे.