नवी दिल्ली : कोरोना व्हायरसचा प्रादुर्भाव वाढत असाताना अनेक बदल झालेले आपल्याला पाहायला मिळत आहेत. अशात किलांना आभासी सुनावणीदरम्यान अंगात काळ्या रंगाचा कोट किंवा रोब घालण्याचं बंधन नाही, असं न्यायालयानं स्पष्ट केलं आहे. त्यामुळे आता वकिल आणि न्यायधीशांच्या ड्रेसकोडमध्ये बदल होणार आहे.
पुण्याच्या बातम्या वाचण्यासाठी येथे ► क्लिक करा
सर्वोच्च न्यायालयासमोर युक्तीवाद करणारे वकील केवळ पांढरा शर्ट आणि नेक टाय वापरु शकतील, त्यावर काळा कोट घालण्याची गरज नाही. कोरोना विषाणूचा फैलाव रोखण्यासाठीची उपाययोजना म्हणून सर्वोच्च न्यायालंयानं तात्पुरत्या स्वरुपात हा निर्णय काल (ता. १३) बुधवारी जाहीर केला आहे. या संदर्भात सर्वोच्च न्यायालयाने एक निवेदन जाहीर केलं असून याबाबत एएनआय या वृत्तसंस्थेने वृत्त दिले आहे.
Coronavirus : अमेरिकेत 'ट्रम्प डेथ क्लॉक'ची चर्चा; काय आहे प्रकरण?
व्हर्चुअल कोर्ट सिस्टिममध्ये सुनावणीदरम्यान, वकील मंडळी प्लेन पांढरा शर्ट, पांढरी सलवार-कमीज, पांढरी साडी तसेच गळ्याभोवती प्लेन पांढरा नेकबँड वापरु शकतात. काल (ता. १३) सकाळी सरन्यायाधीश एस. ए. बोबडे, न्या. इंदू मल्होत्रा आणि न्या. ह्रषिकेश रॉय हे वरिष्ठ न्यायाधीश व्हर्च्युअल कोर्टात काळ्या कोटशिवाय समोर आले होते. यावेळी त्यांनी केवळ पांढरा शर्ट आणि नेकबँड वापरला होता.
का घेतला हा निर्णय
कोरोनाचा प्रादुर्भाव वाढत आहे. त्या पार्श्वभूमीवर जोपर्यंत कोरोना संदर्भातील परिस्थिती कायम आहे किंवा पुढील आदेश येईपर्यंत ही सवलत देण्यात आली आहे. वैद्यकीय सल्ल्याला अनुसरुन हा निर्णय घेण्यात आला असल्याचे न्यायालयाकडून सांगण्यात आले आहे. वकिलांना आणि न्यायधीशांनादेखील हा नियम लागू आहे. यासंदर्भातील नियमावली लवकरच जाहीर केली जाईल, असेही सरन्यायाधीशांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.