Vijay Shah FIR : भारतीय लष्कराच्या अधिकारी कर्नल सोफिया कुरेशी यांच्याबाबत वादग्रस्त टिप्पणी करणारे मध्य प्रदेश भाजपचे मंत्री विजय शहा यांच्यावर एफआयआर दाखल करण्याचे आदेश मध्य प्रदेश हायकोर्टानं दिले आहेत. दरम्यान, काँग्रेसच्या मध्य प्रदेश युनिटनं सांगितलं की त्यांनी आजच एफआयआर दाखल केला आहे तसंच मंत्री शहा यांना बडतर्फ करण्याची मागणी केली आहे. यामुळं वाचाळ नेत्यांना कोर्टानं चांगलीच चपराक दिली आहे. दरम्यान, या प्रकरणाची पुढील सुनावणी १५ मे रोजी होणार आहे.
