बहिणीच्या लग्नाआधीच जवान शहीद; CRPF जवानांनी निभावलं भावाचं कर्तव्य | CRPF | Sakal
sakal

बोलून बातमी शोधा

crpf jawan colleagues attended sisters wedding who was killed in Pulwama see photos here

बहिणीच्या लग्नाआधीच जवान शहीद; CRPF जवानांनी निभावलं भावाचं कर्तव्य

कोणत्याही भावासाठी त्याच्या बहिणीचे लग्न ही मोठी गोष्ट असते, या लग्नात वेगवेगळ्या विधींसाठी थोरला भाऊ गरजेचा असतो. दरम्यान गेल्या वर्षी पुलवामा (Pulwama) येथे झालेल्या दहशतवादी हल्ल्यात शहीद झालेले जवान कॉन्स्टेबल शैलेंद्र प्रताप सिंह यांच्या बहिणीच्या लग्नात सोमवारी सीआरपीएफ (CRPF) जवानांनी हजेरी लावत मोठ्या भावाचे कर्तव्य पार पाडलं.

कॉन्स्टेबल शैलेंद्र प्रताप सिंह यांचा सीमेवर कर्तव्य बजावताना मृत्यू झाला तेव्हा ते केंद्रीय राखीव पोलिस दलाच्या 110 व्या बटालियनमध्ये (110th battalion of Central Reserve Police Force) ते तैनात होते. इंडिया टुडेच्या वृत्तानुसार, कॉन्स्टेबल सिंग यांचे सहकारी उत्तर प्रदेशमध्ये त्यांची बहीण ज्योतीच्या लग्नासाठी आले आणि वधूच्या भावाचे कर्तव्य पार पाडले.

CRPF ने ट्विटरवर या लग्नाचे फोटो शेअर केले आहेत, या फोटोमध्ये लष्कराच्या गणवेशात असलेले जवान वधूला मंडपाकडे नेत असल्याचे दिसत आहे, हे काम सहसा मुलीचे भाऊ करतात. दरम्यान 'थोरले भाऊ म्हणून सीआरपीएफ जवान हे कॉन्स्टेबल शैलेंद्र प्रताप सिंग यांच्या बहिणीच्या लग्न समारंभाला उपस्थित होते, 110 बटालियन सीआरपीएफचे कॉन्स्टेबल शैलेंद्र प्रताप सिंग यांनी 05/10/20 रोजी पुलवामा येथील दहशतवादी हल्ल्याला शौर्याने प्रत्युत्तर देताना सर्वोच्च बलिदान दिले, असे देखील या ट्विटमध्ये म्हटले आहे.

हेही वाचा: आंध्र प्रदेशात भीषण अपघात; बस नाल्यात कोसळल्याने 9 ठार, 22 जखमी

सीआरपीएफ जवानांनी वधूला आशीर्वाद दिले आणि लग्नात भेटवस्तू देखील दिल्या. याप्रसंगी शैलेंद्र प्रताप सिंह यांचे वडिल म्हणाले की, माझा मुलगा आता या जगात नाही, पण आता आमच्याकडे सीआरपीएफ जवानांच्या रूपात अनेक मुले आहेत जे नेहमी सुख-दु:खात आमच्या पाठीशी उभे असतात. गेल्या वर्षी ऑक्टोबरमध्ये, दहशतवाद्यांनी श्रीनगरच्या बाहेरील महामार्गावर कर्तव्यावर असलेल्या CRPF जवानांवर गोळीबार केला होता. या हल्ल्यात सीआरपीएफचे दोन जवान शहीद झाले होते, तर पाच जखमी झाले होते.

हेही वाचा: Jio चा सर्वात स्वस्त प्रीपेड प्लॅन; फक्त 1 रुपयात 30 दिवस व्हॅलिडिटी

Web Title: Crpf Jawan Colleagues Attended Sisters Wedding Who Was Killed In Pulwama See Photos Here

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :CRPF
go to top