जम्मू-काश्‍मीरच्या बारामुल्ला जिल्ह्यातील एका ओढ्यात बुडणाऱ्या मुलीला जवानांनी वाचविले.
श्रीनगर: जम्मू-काश्‍मीरच्या बारामुल्ला जिल्ह्यातील एका ओढ्यात बुडणाऱ्या मुलीला जवानांनी वाचविले. संबंधित व्हिडिओ सोशल मीडियावर व्हायरल झाला असून, जवानांवर शुभेच्छांचा वर्षाव होत आहे.
केंद्रीय राखीव पोलीस दलाचे (सीआरपीएफ) जवान नेहमीच देशवासियांच्या सुरक्षेसाठी सतर्क असतात. पण दैनंदिन आयुष्यातही जवान इतरांच्या मदतीसाठी नेहमीच तत्पर असतात, हे अनेकदा पाहायला मिळते.
तंगमर्ग येथील वेगाने वाहणाऱ्या ओढ्यात पडलेली नगिना ही लहान मुलगी बुडायची वेळ आली होती; पण कॉन्स्टेबल एम. जी. नायडू आणि एन. उपेंद्र या जवानांनी पाण्यात उडी घेत या मुलीला सुखरूप बाहेर काढले. ही मुलगी बुडत असताना "सीआरपीएफ'च्या सहा जवानांची तुकडी तेथून जाते होती. ही घटना पाहताच नायडू व उपेंद्र यांनी मदतीसाठी धाव घेत नगिनाला बाहेर काढले. नगिनाला वाचविण्यासाठी केलेल्या मदतीबद्दल या दोन्ही जवानांना सन्मानचिन्ह देण्याची घोषणा "सीआरपीएफ'चे महासंचालक आर. आर. भटनागर यांनी केली आहे.
Constable M. G. Naidu and Constable N. Upendra of #176Bn saved life of a 14 year old girl drowning in the river. The brave men didn't think twice and jumped in the strong currents.
The unmatched valour and team spirit of the men saved a precious life in #Kashmir. pic.twitter.com/yHtwuiXd91
— (@crpfindia) July 15, 2019
DG CRPF is pleased to award DG's Commendation disc and certificate to CT M. G. Naidu and CT N. Upendra of #176Bn #CRPF for their selfless devotion to duty and exemplary act of saving the life of a drowning 14 year old Kashmiri girl in Baramulla, J&K. pic.twitter.com/iblH1UzFJ2
— (@crpfindia) July 15, 2019
