बनावट दारु विक्री केल्यास फाशीची शिक्षा; मध्य प्रदेश सरकारचा मोठा निर्णय

बेकायदा आणि बनावट दारुची विक्री करणाऱ्यांविरोधात कठोर कायदा आणण्यात आला आहे.
whiskey
whiskey

भोपाळ : बेकायदा आणि बनावट दारु विक्री (Fake liquor sale) करणाऱ्यांना आता जन्माची अद्दल घडवण्याची योजना मध्य प्रदेश सरकारने (MP Govt) आखली आहे. यानुसार, अशा प्रकारे बनावट दारु विक्री करणाऱ्यांविरोधातील दहा वर्षांच्या शिक्षेत वाढ करत आता जन्मठेप किंवा फाशीच्या शिक्षा (death penalty) होणार आहे, यासंबंधीच्या प्रस्तावाला मंगळवारी शिवराजसिंह चौहान सरकारनं मंजुरी दिली.

whiskey
HSC Result : बारावीचा निकाल जाहीर, 99.63 टक्के विद्यार्थी उत्तीर्ण

मुख्यमंत्री शिवराजसिंह चौहान यांच्या अध्यक्षतेखालील कॅबिनेटच्या बैठकीत या संबंधीच्या दुरुस्ती विधेयकाच्या मसुद्याला मंजुरी देण्यात आली. यानुसार, बनावट अर्थात विषारी दारु प्यायल्यामुळे मृत्यू झाल्यास आरोपीला जन्मठेपेपासून फाशीपर्यंतची कडक शिक्षा होऊ शकते. तसेच दंडाची रक्कम २५ लाख रुपये करण्यात आली आहे.

whiskey
पूरग्रस्तांच्या मदतीसाठी ११ हजार ५०० कोटींच्या पॅकेजला मान्यता

तसेच बेकायदा दारु विक्री करणाऱ्यांवर कारवाईसाठी गेलेल्या उत्पादन शुल्क विभागाच्या पथकावर किंवा इतर चौकशी पथकावर हल्ला केल्यास तीन वर्षांच्या तुरुंगवासाच्या शिक्षेची तरतूद करण्यात आली आहे.

कुठल्या परिस्थितीत होणार जन्मठेप आणि फाशीची शिक्षा

जर बनावट दारु प्यायल्याने कोणाचा मृत्यू झाला तर पहिल्यांदा आरोपीला १० वर्षांच्या तुरुंगवासासह जन्मठेपेची शिक्षा होऊ शकेल. दुसऱ्यांदा किंवा पुन्हा हा गुन्हा केल्यास आरोपीला फाशीची शिक्षा होऊ शकेल. तसेच दारुमध्ये भेसळ केल्याप्रकरणी ३० हजार रुपयांचा दंड वाढवून तो दोन लाख रुपये करण्यात आला आहे. यापूर्वी दारुमध्ये भेसळ केल्यास ३०० रुपयांपासून २,००० रुपयांचा किरकोळ दंड आकारण्यात येत होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com