अयोध्येत २८ वर्षांनी ६ डिसेंबर शांततेत

शरत प्रधान
Monday, 7 December 2020

बाबरी मशीद पाडण्यात आल्यानंतर सहा डिसेंबर हा दिवस अयोध्येसाठी २८ वर्षांच्या खंडानंतर शांततेत गेला. राममंदिराचे भूमिपूजन होऊन बांधकाम सुरू झाले असल्यामुळे आणि दुसरीकडे मशिदीसाठी वेगळी जागा देण्यात आल्यामुळे दोन्ही धर्मांच्या बांधवांनी पुढे पाऊल टाकत वाटचाल करायचे ठरविले.

भूतकाळ विसरून हिंदू-मुस्लिमांची पुढील दिशेने वाटचाल 
अयोध्या - बाबरी मशीद पाडण्यात आल्यानंतर सहा डिसेंबर हा दिवस अयोध्येसाठी २८ वर्षांच्या खंडानंतर शांततेत गेला. राममंदिराचे भूमिपूजन होऊन बांधकाम सुरू झाले असल्यामुळे आणि दुसरीकडे मशिदीसाठी वेगळी जागा देण्यात आल्यामुळे दोन्ही धर्मांच्या बांधवांनी पुढे पाऊल टाकत वाटचाल करायचे ठरविले.

१९९२ नंतर हिंदू हा दिवस शौर्य दिन, तर मुस्लीम काळा दिन म्हणून साजरा करायचे. अखेर गेल्या वर्षी नोव्हेंबर महिन्यात सर्वोच्च न्यायालयाच्या निर्णयामुळे राममंदीराच्या निर्मितीचा मार्ग मोकळा झाला. यंदा ऑगस्टमध्ये पंतप्रधान नरेंद्र मोदी यांच्याहस्ते भूमीपूजन झाले.

ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

रामजन्मभूमी-बाबरी मशीद खटल्यातील पहिले फिर्यादी हशीम अन्सारी यांचा मुलगा इक्बाल यांनी सांगितले की, या दिवशी शोक व्यक्त करण्यासाठी काळे झेंडे लावण्याचे आपण थांबवावे असा सल्ला मी आमच्या समुदायाच्या लोकांना दिला. आता या भूमीतील सर्वोच्च न्यायालयाने जमिनीचा निकाल मंदीराच्याबाजूने दिला आहे.

Corona Update : देशातील रिकव्हरी रेट दिलासादायक, जाणून घ्या काय आहे परिस्थिती

काही अंतरावर नवी मशीद बांधण्यात येणार असल्यामुळे मुस्लिमांसाठी ही बाब आनंदाची आहे अशी इक्बाल यांची भावना आहे. धन्नीपूर परिसरात मशिदीसाठी पाच एकर जागा देण्यात आली असून पूर्वी बाबरी मशीद जेथे होती त्या ठिकाणापासून हे अंतर सुमारे २० किलोमीटर अंतरावर आहे. इंडो-इस्लामिक कल्चरल फाऊंडेशनने मशीद, रुग्णालय, संशोधन केंद्र आणि अन्नछत्र बांधण्याची जबाबदारी जामिया मिलीया इस्लामियाचे प्राध्यापक एस. एम. अख्तर यांच्यावर सोपवली. अख्तर हे वास्तुकलाशास्त्र विभागाचे प्रमुख असून आराखडा तयार असल्याचे सांगण्यात आले.

मोठी बातमी ! सीरमकडून कोरोना लसीच्या आपत्कालीन वापरासाठी अर्ज, पहिलीच स्वदेशी कंपनी

विहिंपचेही आवाहन
दुसरीकडे विश्व हिंदू परिषदेसह अयोध्येतील हिंदू धर्मगुरुंनी यापुढे शौर्य दिवस पाळू नये असे आवाहन स्थानिक हिंदूंना केले. रामजन्मभूमी तीर्थक्षेत्र ट्रस्टचे अध्यक्ष महंत नृत्यगोपाल दास, महंत कमलनारायण दास यांनी तसे निवेदन जारी केले. विहींपचे स्थानिक प्रमुख शरद शर्मा यांनी सांगितले की, सर्वोच्च न्यायालयाने राममंदिराच्या बाजूने निकाल दिला असल्यामुळे आता शौर्य दिन पाळण्याचे कोणतेही औचित्य उरत नाही. मुख्य म्हणजे भूमीपूजन होऊन मंदिराचे बांधकामही सुरू झाले आहे. त्यामुळे हिंदू आणि मुस्लिमांनी पुढे वाटचाल करण्याची ही वेळ आहे.

मेरीटाइम थिएटर कमांडची तयारी अंतिम टप्प्यात, जाणून घ्या ड्रॅगनची झोप उडवणारा भारताचा मास्टर प्लॅन

पंतप्रधान मोदी यांच्यामुळेच...
शरयू किनारी येणारे भाविक तसेच अयोध्येतील पुजारी, दुकानदार, केशकर्तनकार अशी विविध वर्गातील बहुतांश मंडळी पंतप्रधान नरेंद्र मोदी यांना श्रेय देतात. मोदीजी नसले असते तर रामाचा जन्म झालेल्या ठिकाणी मंदिराची निर्मिती सुरू होण्याचा दिवस उजाडला नसता अशी प्रातिनिधिक प्रतिक्रिया ऐकायला मिळते.

देशभरातील मुस्लिमांना संदेश
काळा दिवस पाळण्यासाठी पुढाकार घेणारे बुजुर्ग हाजी मेहबूब यांनी सांगितले की, यंदा शोक दिन पाळण्यात आला नाही. मुस्लिमांनी आपली दुकाने आज उघडी ठेवली. सहा डिसेंबर १९९२ रोजी मारल्या गेलेल्यांच्या स्मरणार्थ तेहरी बाजार मशिदीत कुराणचे पठण करण्यात आले. आम्ही भूतकाळ मागे ठेवून पुढे वाटचाल करायचे ठरवले आहे आणि सरस भविष्यासाठी उर्वरित देशातील मुस्लीम समुदायाला हा संदेश कळवला आहे.

Edited By - Prashant Patil


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: December 6 peaceful Ayodhya after 28 years