इस्लामाबाद : पहलगाम हल्ल्यानंतर भारताने आक्रमक भूमिका घेतल्याने अडचणीत आलेल्या पाकिस्तानला आता अंतर्गत संघर्षालाही तोंड द्यावे लागत आहे. सिंधू नदी पाणी वाटप करार रद्द केल्यामुळे पाकिस्तानच्या काही भागांवर आधीच पाण्याचे संकट घोंघावू लागले आहे. त्यात आता या कराराचा प्रभाव नसलेल्या भागांमध्येही भीषण पाणीटंचाई जाणवू लागली आहे. रावळपिंडी आणि इस्लामाबाद या दोन प्रमुख शहरांसाठी केवळ ३५ दिवस पुरेल एवढाच पाणीसाठा शिल्लक राहिला आहे.