नवी दिल्ली JNU Campus : एरवी कायम प्रकाशझोतात राहणारी आणि कोणत्याही राजकीय विषयापासून दूर राहणारी दीपिका पदुकोन Deepika Padukone आज, दिल्लीच्या जवाहरलाल नेहरू विद्यापीठात दाखल झाली. जेएनयू विद्यापीठात विद्यार्थ्यांवर झालेल्या हल्ल्याच्या निषेधार्थ सध्या आंदोलन सुरू आहे. त्या कॅम्पसमधील आंदोलनात दीपिकानं सहभागी होऊन सगळ्यांनाच धक्का दिलाय.
विद्यार्थ्यांवर झालेल्या हल्ल्यात 34 विद्यार्थी जखमी झाले असून, विद्यार्थी संघटनेची आईशी घोष ही जखमी झाली आहे. दीपिकाने आईशीची यावेळी भेट घेतली. जेएनयूचा माजी विद्यार्थी कन्हैय्या कुमार या हल्ल्याच्या निषेधार्थ सुरू असलेल्या आंदोलनात सहभागी झाला आहे. कॅम्पसमध्ये आंदोलन सुरू असताना कन्हैय्या जय भीम जय भीमच्या घोषणा देत होता. त्याचवेळी दीपिका आंदोलनस्थळी दाखल झाली. दीपिकानं केवळ आईशीसोबत काही वेळ चर्चा केली आणि त्यानंतर ती निघून गेली. यावेळी तिनं मीडियाशी कोणत्याही प्रकारे संवाद साधला नाही.
काय घडलं रविवारी?
रविवारी जेएनयूमधील साबरमती होस्टेलच्या बाहेर 200 जणांचा जमाव एकत्र आला होता. यात काही मुलींचाही समावेश होता. सायंकाळी सातच्या सुमारास हा जमाव एकत्र आला. तोंडाला रुमाल बांधून आलेल्या या जमावातील तरुणांनी जेएनयूतील विद्यार्थ्यांना मारहाण करायला सुरुवात केली. त्यात काही प्राध्यापक आणि इतर कर्मचाऱ्यांनाही मारहाण झाली. या घटनेचे पडसाद देशभरात उमटले आहे. विद्यार्थी संघटनेने हा हल्ला अभाविपच्या कार्यकर्त्यांनी केल्याचा आरोप केला. तर, हिंदू राष्ट्र दल या संघटनेने आज, जेएनयूतील हल्ल्याची जबाबदारी घेतली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.