जेएनयुतील हल्ल्याची 'या' हिंदू संघटनेने घेतली जबाबदारी

Hindu Raksha Dal
Hindu Raksha Dal

नवी दिल्ली : दिल्लीतील जवाहरलाल नेहरू विद्यापीठात (जेएनयु) गुंडांकडून विद्यार्थ्यांना करण्यात आलेल्या मारहाणीची जबाबदारी हिंदू रक्षा दलाकडून घेण्यात आली आहे. देशविरोधी घोषणा दिल्यास यापुढेही असेच होईल, असा इशाराही हिंदू रक्षा दलाकडून देण्यात आला आहे.

जेएनयूमध्ये रविवारी रात्री काही मुखवटाधारी गुंडांनी विद्यार्थी आणि शिक्षकांना काठ्या आणि लोखंडी रॉडने मारहाण केली होती. यामध्ये विद्यार्थी संघटनेची अध्यक्ष आईशी घोष हिच्यासह अठरा जण गंभीर जखमी झाले होते. या घटनेचा देशभरातून विविध राजकीय पक्ष, सामाजिक संघटना आणि तज्ज्ञांनी कठोर शब्दांत निषेध करण्यात आला आहे. दिल्ली पोलिसांनी या प्रकरणी गुन्हा दाखल केला असून, अजून कोणाला अटक करण्यात आलेली नाही.

या हल्ल्याची जबाबदारी स्वीकारणारे हिंदु रक्षा दलाचे भुपेंद्र तोमर यांचा सोशल मीडियावर व्हिडिओ व्हायरल झाला असून, यामध्ये ते म्हणत आहेत, की देशात अशी कृत्ये आम्ही सहन करणार नाही. देशविरोधी कारवाया हिंदू सरक्षा दलाकडून सहन केल्या जाणार नाहीत. जेएनयुमध्ये झालेल्या हल्ल्याची आम्ही जबाबदारी घेतो. जेएनयु समाजवाद्यांचा अड्डा बनला आहे. यापुढेही देशविरोधा कारवाया करण्याचा प्रयत्न केला तर असेच होईल. जेएनयुमध्ये हल्ला केलेले सर्व आमचे कार्यकर्ते होते. भारतमातेसाठी आम्ही जीव अर्पण करतो. धर्माविरोधात कोणीही बोलले तर आम्ही त्याला धडा शिकवू.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com