भारताच्या संरक्षण सचिवांना कोरोनाची लागण

नवी दिल्ली : कोरोनाचा प्रादुर्भाव देशात मोठ्या प्रमाणात वाढत असून आता कोरोनाग्रस्तांचा आकडाही २ लाखांच्या पार गेला आहे. अशातच भारताचे संरक्षण सचिव अजय कुमार यांना कोरोना व्हायरसची लागण झाली आहे. अजय कुमार यांचा कोरोना व्हायरसच्या चाचणीचा रिपोर्ट पॉझिटिव्ह आला असून ते सध्या होम क्वारंटाइन आहेत.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

अजय कुमार यांना सौम्य ताप आला होता व त्यांच्यामध्ये कोरोनाची लक्षणे आढळली होती. त्यामुळे टेस्ट करण्यात आली. मंगळवारी त्यांचा कोरोना चाचणीचा रिपोर्ट पॉझिटिव्ह आला. अजय कुमार यांना करोनाची बाधा झाल्यानंतर ३५ अधिकारी होम क्वारंटाइन झाले आहेत. संरक्षण मंत्रालयाने अजय कुमार यांच्या संपर्कात आलेल्यांचा शोध सुरु केला आहे. साऊथ ब्लॉकच्या पहिल्या मजल्याचे निर्जतुकींकरण करण्यात आले आहे.
---------
भारत-बांगलादेश सीमावर्ती भागात भूकंपाचे धक्के
---------
तिबेटमध्ये चीनचा युद्धसराव; पडद्यामागे चीन चाललंय काय?
---------
अजय कुमार हे कोरोनाची बाधा झालेले सरकारमधील ते पहिले वरिष्ठ अधिकारी ठरले आहेत. त्यांच्या संपर्कात आलेले अन्य वरिष्ठ अधिकारी आणि मंत्री यांची कोरोना चाचणी करण्यात येणार आहे. दरम्यान, देशातील कोरोनाग्रस्तांची संख्या दिवसागणिक वाढतच आहे. गेल्या २४ तासांत कोरोनाग्रस्तांच्या संख्येत सर्वाधिक मोठी वाढ पाहायला मिळाली. मागील २४ तासांत ९ हजार ३०४ नवे रूग्ण आढळून आले आहेत. दिवसभरात वाढलेली ही सर्वाधिक संख्या आहे. मागील २४ तासांत २६० जणांचा मृत्यू झाला आहे. कोरोनामळे मृत्यू झालेल्यांची संख्याही सहा हजारांच्या पुढे गेली आहे. आतापर्यंत सहा हजार ७५ जणांचा कोरोनामुळे बळी गेला आहे. २४ तासांत ९ हजारांपेक्षा जास्त कोरोनाबाधितांची वाढ झाल्यामुळे देशातील एकूण रुग्णांची संख्या दोन लाख १६ हजार ९१९ इतकी झाली आहे. दिलासादायक बाब म्हणजे एक लाख ४ हजार १०७ जणांनी कोरोनावर मात केली आहे. तर एक लाख सहा हजार ७३७ जणांवर उपचार सुरू आहेत.