PM मोदींविरोधात पोस्टरबाजी,9 जणांना अटक

पंतप्रधान नरेंद्र मोदी (PM Modi) यांच्याविरोधात कोरोना लसीकरण अभियानाबाबत आपत्तीजनक पोस्टरबाजी करणाऱ्या नऊ जणांना दिल्ली पोलिसांनी अटक केली आहे. या पोस्टरबाजीविरोधात दिल्लीतील 10 पोलिस स्थानकात गुन्हा नोंदवण्यात आला आहे. 'मोदीजी, हमारे बच्चों की वॅक्सिन विदेश क्यों भेज दी...' असे पोस्टर दिल्लीत विविध ठिकाणी लागल्यानंतर पोलिसंनी धडक कारवाई केली .

दिल्लीतील कल्याणपुरी येथून चार, ईशान्य दिल्लीतून दोन, उत्तर दिल्लीतून एक आणि द्वारकामध्ये दोन जणांना दिल्ली पोलिसांनी अटक केली आहे. मिळालेल्या वृत्तानुसार, आम आदमी पक्षाच्या धीरेंद्र कुमार या नगरसेवकाच्या सांगण्यावरुन आपण हे करत असल्याचं अटक करण्यात आलेल्यांनी पोलिसांना सांगितलं आहे. पोस्टर लावणाऱ्या लोकांकडून जवळपास 800 ते 900 पोस्टर 20 मोठे बॅनर पोलिसांनी जप्त केले.

भारतीय युथ काँग्रेस अध्यक्ष श्रीनिवास बी.व्ही यांच्या चौकशीसाठी दिल्ली पोलिसांच्या गुन्हे शाखेची टीम कार्यालयात पोहोचली होती. कोविड-19 औषधांच्या अवैध वितरणाबाबत गुन्हे शाखेने त्यांची चौकशी केली.