नवी दिल्ली - दिल्लीत शेतकरी आंदोलक आक्रमक झाले आहेत. प्रजासत्ताक दिनी कृषी कायद्याविरोधात शेतकऱ्यांनी ट्रॅक्टर रॅली काढली. यावेळी आंदोलनाला हिंसक वळण लागल्यानंतर आंदोलक आणि पोलिसांमध्ये झटापटही झाली. दरम्यान, काही आंदोलक दिल्लीतील लाल किल्ल्यावर दाखल झाले आहेत. लाल किल्ल्यावर शेतकरी आंदोलकांनी झेंडेही फडकावले आहेत.
लाल किल्ल्यावरही आंदोलक शेतकऱ्यांची संख्या वाढली आहे. शेतकरी संघटनांच्या नेत्यांनी आंदोलकांना शांततेचं आवाहन केलं आहे. सिंघु बॉर्डरवरचे शेतकरी आक्रमक झाले आहेत. ट्रॅक्टर ठरलेल्या मार्गावरून जावेत यासाठी पोलिस प्रयत्न करत आहेत.
शेतकरी नेते राकेश टिकैत यांनी पुन्हा शांततेत आंदोलन होईल असं म्हटलं आहे. तरीही आंदोलक आक्रमक झाल्याचं चित्र आहे. काही शेतकऱ्यांना पोलिसांनी ताब्यात घेतल्याची चर्चा आहे.
हिंसाचार हा कोणत्याही प्रश्नाचं उत्तर नाही. कोणालाही दुखापत झाली तरी नुकसान आपल्याच देशाचं होईल असं म्हणत राहुल गांधी यांनी देशहितासाठी कृषी कायदे मागे घ्यावेत अशी मागणी केली.
शेतकरी नेते राकेश टिकैत यांनी कोणतीही हिंसा होणरा नाही आणि यापुढचे आंदोलन शांततेत करतील असंही ते म्हणाले. तसंच पोलिसांनी रिंग रोडवरून रॅलीसाठी परवानगी मागितली होती. पोलिसांनी संख्या बघून परवानगी द्यायला हवी होती असंही टिकैत यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.