गोवा : हडफडे येथे दुहेरी खून

गोवा : बार्देश तालुक्यातील हडफडे येथे आज सकाळी साडेदहाच्या सुमारास घरामध्ये दुहेरी खून झाला. वृद्ध मालकीण व कामगाराने एकमेकावर केलेल्या हल्ल्यात दोघांचा मृत्यू झाला आहे.

एकमेकांनी केलेल्या हल्ल्याबाबतचे कारण पोलिसांना उघड झालेले नाही. कामगाराने मालकिणीचा खून केल्यानंतर तो रक्तबंबाळ अवस्थेत घरातून बाहेर पडला व रस्त्यावरून धावत जाताना तो वाटेतच पडला व जागीच त्याचा मृत्यू झाला.

याप्रकरणी प्रत्यक्ष घटना पाहणाऱ्या लोकांकडून माहिती घेण्याचा प्रयत्न सुरू असल्याची माहिती म्हापशाचे पोलिस उपअधीक्षक गजानन प्रभुदेसाई यांनी दिली.