5 राज्यांतील निवडणुकांच्या तारखांची आज मोठी घोषणा; यूपीसह 'या' राज्यात उडणार धुरळा | Sakal
sakal

बोलून बातमी शोधा

Election Commission

निवडणूक आयोगानं यापूर्वी निवडणुका असणाऱ्या राज्यांची आढावा बैठक घेऊन तारीख जवळपास निश्चित केलीय.

5 राज्यांतील निवडणुकांच्या तारखांची आज मोठी घोषणा

Assembly Election 2022 : देशात कोरोनाचा (Coronavirus) वाढता प्रादुर्भाव असला तरी, 5 राज्यांत विधानसभा निवडणुका होणार आहेत. कोरोनाच्या पार्श्वभूमीवर निवडणूक पुढं ढकलण्याची मागणी होत होती. मात्र, आता निवडणूक आयोग (Election Commission) आज (शनिवार) 5 राज्यांत होणाऱ्या विधानसभा निवडणुकांच्या तारखा जाहीर करणार असल्याचं कळंतय. यात उत्तर प्रदेश (Uttar Pradesh), उत्तराखंड (Uttarakhand), मणिपूर, गोवा (Goa) आणि पंजाबमधील (Punjab) निवडणुकांचा समावेश आहे.

दरम्यान, उत्तर प्रदेश आणि पंजाबसह 5 राज्यांत 2022 मध्ये होणाऱ्या विधानसभा निवडणुकीची तयारी जोरात सुरूय. निवडणूक आयोग लवकरच या राज्यांत होणाऱ्या निवडणुकांच्या तारखा जाहीर करेल, अशी शक्यता वर्तवली जात होती. मात्र, आता आयोग आज दुपारी 3.30 वाजता तारखा जाहीर करणार असल्याचं समजतंय.

हेही वाचा: 'सत्तेच्या भुकेसाठी मोदींनी पुलवामा घटना घडवून आणली'

वास्तविक, निवडणूक आयोगानं यापूर्वी सर्व निवडणुका असणाऱ्या राज्यांची आढावा बैठक घेऊन तारीख जवळपास निश्चित केलीय. त्यामुळं निवडणूक कोणत्याही क्षणी होण्याची शक्यता आहे. मीडिया रिपोर्ट्सनुसार, सर्वात मोठं राज्य असणाऱ्या उत्तर प्रदेशात 8 टप्प्यात मतदान केलं जाऊ शकतं, तर पंजाबमध्ये 3 टप्प्यात मतदान केलं जाऊ शकतं. याशिवाय निवडणूक आयोग मणिपूरमध्ये (Manipur) दोन टप्पे, गोवा आणि उत्तराखंडमध्ये प्रत्येकी एक टप्पा घेण्याची घोषणा करू शकतं.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top