जरी ओमिक्रॉनच्या धोक्याची तीव्रता कमी वाटत असली तरी...; WHOचा गंभीर इशारा

नवी दिल्ली : जागतिक आरोग्य संघटनेच्या (World Health Organization) मुख्य शास्त्रज्ञ डॉ सौम्या स्वामीनाथन (Dr Soumya Swaminathan) यांनी शुक्रवारी म्हटलंय की, ओमिक्रॉनमुळे रुग्णालयात दाखल होण्याचे प्रमाण जगभरात वाढत आहे. लसीकरण न झालेल्या बहुतांश लोकांमध्येच हे प्रमाण आहे.

ज्या देशांना ओमिक्रॉनची तीव्रता जाणवू लागली आहे अशा देशांसाठी त्यांनी इशारा देत सजग केलं आहे. डॉ. स्वामीनाथन यांनी म्हटलंय की, "ओमिक्रॉनमुळे कमी गंभीर असलेले आजार होऊ शकतात, तरीही मोठ्या संख्येपैकी एक छोटा टक्का अजूनही खूप मोठा आहे आणि तो संपूर्ण आरोग्य यंत्रणेला वेठीस धरू शकतो. पुढे त्यांनी आरोग्य कर्मचाऱ्यांचे अभिनंदन केलं आहे. त्यांनी म्हटलंय की, "लसीकरणाने हॉस्पिटलायझेशन आणि मृत्यूपासून संरक्षण मिळतं. मग हे संक्रमण ओमिक्रॉनपासून असो वा डेल्टा किंवा कोविडच्या इतर कोणत्याही प्रकारामुळे झालेले असो.

भारतामध्ये दैनंदिन कोविड रुग्णांच्या संख्येत अचानक वाढ होत असल्याने त्यांनी हा इशारा देण्यात आला आहे. ही रुग्णवाढ ओमिक्रॉनमुळे होत आहे. शुक्रवारी सकाळपर्यंत भारतातील Omicron ची संख्या 1,270 वर आहे आणि तज्ञांना असं वाटतं की, Omicron ने देशात आधीच डेल्टाची जागा घेतली आहे. अहवालात पुढे असं म्हटलंय की, भारतातील जवळपास 80 टक्के प्रकरणे आता Omicron ची आहेत.

लसींच्या परिणामकारकतेबद्दल बोलताना, डॉ स्वामीनाथन (Dr Swaminathan) यांनी याआधी एक ट्विट केलं होतं. त्यांनी म्हटलंय की, "अपेक्षेप्रमाणे, टी सेल रोगप्रतिकार शक्ती ओमिक्रॉन विरुद्ध चांगली ठेवते. यामुळे गंभीर आजारांपासून आपलं संरक्षण होऊ शकतं. जर केलं नसेल तर कृपया तुम्ही लसीकरण करुन घ्या". नुकतीच ताजी माहिती देताना जागतिक आरोग्य संस्थेनं म्हटलंय की, Omicron चा धोका अधिक असून या व्हेरिएंटने यूएस आणि यूकेमधील डेल्टाला मागे टाकलं आहे.