केंद्रातील भाजप सरकारला ८ वर्षे पूर्ण झाल्यानिमित्त देशभरात ठिकठिकाणी कार्यक्रमांचे आयोजन करण्यात येत आहे. पंतप्रधान मोदी मंगळवारी (ता. ३१) शिमल्याला जाणार आहे. भाजपच्या ‘गरीब कल्याण संमेलना’त ते सहभागी होणार आहेत. या कार्यक्रमात पंतप्रधान नरेंद्र मोदी (narendra modi) ९ वेगवेगळ्या मंत्रालयांद्वारे चालवल्या जाणाऱ्या योजनांच्या लाभार्थ्यांशी चर्चा करतील, अशी माहिती पीएमओकडून मिळाली आहे. (Event to mark 8 years of Modi government)
पीएमओच्या म्हणण्यानुसार, या संवादाद्वारे पंतप्रधान लाभार्थ्यांकडून फीडबॅक घेतील. या परिषदेला भाजपशासित राज्यांचे मुख्यमंत्री, राज्यमंत्री, खासदार, आमदारही उपस्थित राहणार आहेत. याच कार्यक्रमात पंतप्रधान मोदी ‘किसान सन्मान निधी’च्या ११व्या हप्त्याचे प्रकाशनही करणार आहेत. सुमारे १० कोटी शेतकऱ्यांच्या खात्यात २१ हजार कोटी रुपये ट्रान्सफर (Gift) होणार आहेत.
पंतप्रधान मोदी (narendra modi) एक मोठी रॅली घेणार असून, त्यात ५० हजार लोक सहभागी होण्याची शक्यता आहे. रिज रोडवर ही रॅली काढण्यात येणार आहे. रॅलीत भाजप (Bjp) कार्यकर्त्यांसह केंद्राच्या १७ योजनांचे लाभार्थी सहभागी होणार आहेत. या वर्षाच्या अखेरीस होणाऱ्या विधानसभा निवडणुकीची तयारी म्हणूनही या कार्यक्रमाकडे पाहिले जात आहे.
सरकारने भारताच्या संस्कृतीचे रक्षण केले
पंतप्रधान नरेंद्र मोदी (narendra modi) यांनी देशाचे राजकारण बदलले आहे. २०१४ पासून आम्ही खूप पुढे आलो आहोत. आज आपल्याकडे सक्रिय आणि प्रतिसाद देणारे सरकार आहे. सध्याच्या सरकारने भारताच्या संस्कृतीचे रक्षण केले आहे, असे प्रसारमाध्यमांशी बोलताना भाजप अध्यक्ष जेपी नड्डा म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
