रशियाकडून तेल खरेदी करण्याबाबत जयशंकर यांचे मोठे विधान, "माझे नैतिक कर्तव्य.."

भारताचे परराष्ट्र मंत्री एस जयशंकर मंगळवारी थायलंडमध्ये दाखल झाले. ते आज येथे होणाऱ्या भारत-थायलंड संयुक्त आयोगाच्या 9व्या बैठकीला उपस्थित राहणार आहेत. खरं तर, दोन्ही देश भारत आणि थायलंड यांच्यातील राजनैतिक संबंधांच्या स्थापनेची 75 वर्षे साजरी करत आहेत.

दरम्यान, बँकॉकमध्ये भारतीय समुदायाला संबोधित करताना परराष्ट्र मंत्री जयशंकर म्हणाले, भारत आपल्या हितसंबंधांबद्दल खूप प्रामाणिक आहे. ते म्हणाले, रशियाकडून कच्च्या तेलाच्या खरेदीचा प्रश्न आहे, आज जग भारताची भूमिका स्वीकारत आहे. परराष्ट्र मंत्री म्हणाले, भारत या कराराबद्दल फारसा बचावात्मक नव्हता. तसेच, या करारामुळे इतर देशांना त्यांच्या लोकांप्रती असलेल्या त्यांच्या कर्तव्याची जाणीव झाली आहे.

परराष्ट्र मंत्री सुब्रह्मण्यम जयशंकर म्हणाले की, भारतीयांना तेलाच्या उच्च किंमती देणे परवडत नाही आणि म्हणूनच, देशाने रशियाशी कच्च्या तेलाचे व्यवहार सुरू ठेवले आहेत.

"आम्ही आमच्या हितसंबंधांबद्दल खूप खुले आणि प्रामाणिक आहोत. माझा एक देश आहे ज्याचे दरडोई उत्पन्न USD 2000 आहे. त्यामुळे सर्वोत्तम डील सुनिश्चित करणं हे माझे नैतिक कर्तव्य आहे", असंही जयशंकर म्हणालेत.