गुजरात येथील अहमदाबाद येथे आज १२ जून रोजी मोठा अपघात घडला. या अपघातात गुजरात येथील सरदार वल्लभभाई पटेल आंतरराष्ट्रीय विमानतळावरून टेक ऑफ करताना एअर इंडियाचं प्रवासी विमान AI171 मेघानी नगर परिसरात कोसळलं. या विमानात २४२ प्रवासी होते. मात्र या अपघाताच्या काही वेळातच या विमानाचे धक्कादायक व्हिडिओ समोर आले. जे पाहून सगळ्यांचं मन सुन्न झालं. मात्र याच व्हिडिओंमध्ये आणखी एक विमानाच्या आतील व्हिडिओ व्हायरल होतोय. हा व्हिडिओ अहमदाबाद येथील अपघाताचा असल्याचं बोललं जातंय. हा व्हिडिओ खरा आहे की खोटा हे सकाळने तपासलं आहे.