उत्तर प्रदेशातील गाझियाबादमधून हर्षवर्धन जैन नावाच्या व्यक्तीला अटक करण्यात आलीय. त्यानं सुरक्षा यंत्रणेसह गुप्तचर एजन्सींनाही आश्चर्याचा धक्का दिलाय. उत्तर प्रदेश स्पेशल टास्क फोर्सच्या नोएडातील टीमने हर्षवर्धनला अटक केलीय. तो गाझियाबादच्या कविनगर परिसरात बनावट दूतावास चालवत होता. स्वत:ला अशा देशाचा राजदूत असल्याचं सांगायचा जे देशच जगाच्या नकाशावर नाहीत. फक्त बनावट ओळखीच्या आधारेच हे नेटवर्क सुरू होतं असं नाही. तर परकीय चलनाचे बेकायदेशीर व्यवहारही होत होते.