‘दिल्ली’ला लंडनमधूनही पाठिंबा

farmers movement delhi
farmers movement delhi

लंडन - भारत सरकारच्या कृषी कायद्यांविरोधात दिल्लीत सुरु असलेल्या शेतकऱ्यांच्या आंदोलनाला लंडनमधूनही पाठिंबा मिळाला आहे. लंडनमधील काही भारतीयांनी, विशेषत: शीख नागरिकांनी हजारोंच्या संख्येत एकत्र येत मोर्चा काढला. मात्र, यावेळी कोरोना नियम न पाळल्याने काही जणांना स्कॉटलंड यार्ड पोलिसांनी अटकही केली. 

देशभरातील इतर बातम्या वाचण्यासाठी येथे क्लिक करा

लंडनमधील भारतीय उच्चायुक्तालयाबाहेर निदर्शकांनी मोर्चा काढला होता. येथील प्रसिद्ध ट्रॅफलगार चौकातून निदर्शक फलक घेऊन जाताना दिसत होते. ‘आम्ही पंजाबमधील शेतकऱ्यांच्या पाठिशी आहोत’ अशा घोषणा हे निदर्शक देत होते. या मोर्चावेळी कोरोना नियमांचे उल्लंघन होत होते. मोर्चेकऱ्यांच्या गाड्यांमुळे वाहतूक कोंडीही झाली होती. ब्रिटिश पोलिसांनी वारंवार इशारा देऊनही उल्लंघन होतच राहिल्याने किमान ३० जणांना अटक करून दंड ठोठावण्यात आला. ब्रिटिश प्रशासनाच्या सहकार्याने आम्ही आंदोलकांशी चर्चा करू, असे भारतीय उच्चायुक्तालयाने सांगितले. 

जगभरातील इतर बातम्या वाचण्यासाठी येथे क्लिक करा

तसेच, लंडनमधील या आंदोलनामागे भारतविरोधी फुटीरतावाद्यांचा हात असल्याचा दावाही भारतीय अधिकाऱ्यांनी केला आहे. हे भारतविरोधी घटकांनी आंदोलनाचे निमित्त करून आपला अजेंडा राबविण्यास सुरुवात केली आहे, भारतातील आंदोलन हा देशाचा अंतर्गत मामला असल्याचेही या अधिकाऱ्यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com