Farmers Protest : शेतकरी आंदोलनादरम्यान 23 वर्षीय तरुणाचा मृत्यू? हरियाणा पोलिसांनी दिली महत्वाची अपडेट

Haryana Police On Farmers Protest : वेगवेगळ्या मागण्यांसाठी शेतकऱ्यांकडून आंदोलन केलं जात आहे, या चलो दिल्ली आंदोलनादरम्यान वेगवेगळ्या अफवा देखील पसरताना पाहायला मिळत आहेत. यादरम्यान शेतकरी आंदोलनादरम्यान पोलीस आणि शेतकऱ्यांमध्ये झालेल्या संघर्षात एका २३ वर्षीय तरुणाचा मृत्यू झाल्येचे वृत्त समोर आलं होतं. दरम्यान आता हरियाणा पोलिसांनी ही एक अफवा असल्याचे स्पष्ट केले आहे.

हरियाणा पोलिसांनी आज दुपारी तीन वाजता सोशल मीडिया प्लॅटफॉर्म एक्सवर पोस्ट केली आहे. त्यांनी आतापर्यंत मिळालेल्या माहितीनुसार आज शेतकरी आंदोलनात कोणत्याही शेतकऱ्याचा मृत्यू झाला नसल्याचे म्हटले आहे. ही फक्त एक अफावा आहे. दाता सिंह खनोरी बॉर्डरवर दोन पोलीस कर्मचारी आणि एक आंदोलक जखमी झाल्याची माहिती मिळाली आहे आणि त्यांच्यावर उपचार सुरू आहेत.

शेतकरी नेते जगजीत सिंह डल्लेवाल यांनी वृत्तसेवा एएनआयशी बोलताना सांगितले की, आम्ही पुढे गेलो असता, सरकारने आम्हाला चर्चेसाठी निमंत्रण दिलं. सरकार आमच्याविरोधात प्रचार करत आहे. त्यांनी सांगितले की शेतकऱ्यांचा दावा केला की २३ वर्षीय तरुणाचा मृत्यू झाला आहे. दिल्लीला नंतर जाऊ, पहिल्यांदा त्या मुलाप्रती आपली जबाबदारी आहे, जो शहीद झाला आहे.