श्रीनगर- जम्मू-काश्मीरमध्ये गुपकार आघाडीच्या बैठकीवरुन राजकारणाला वेग आला आहे. मेहबुबा मुफ्ती या जम्मू-काश्मीरला आल्यानंतर नॅशनल कॉन्फरन्सचे नेते फारुख अब्दुल्ला आणि उमर अब्दुल्ला हेही जम्मूत आले आहेत. याचदरम्यान या दोघांनी केंद्र सरकारवर निशाणा साधला. आम्हाला पाकिस्तानी म्हटले जात आहे. आम्हाला तसं हवं असतं तर आम्ही 1947 मध्येच पाकिस्तानबरोबर गेलो असतो. आम्ही महात्मा गांधींच्या भारताला स्वतःला जोडले आहे, भाजपच्या भारताला नाही, अशी टीका फारुख अब्दुल्ला यांनी केली.
जर त्यांना मला ठार मारायचं असेल तर जरुर मारावे. जगणं आणि मरणं हे ईश्वराच्या हातात आहे. माझं वय जरी 80 असले तरीही मी अजून तरुण आहे आणि जम्मू-काश्मीरच्या नागरिकांना त्यांचा हक्क मिळवून दिल्याशिवाय मी मरणार नाही. मी भाजपला घाबरत नाही. भाजपला जर आपले शौर्य दाखवयाचे असेत तर त्यांनी सीमेवर जाऊन दाखवावं, इथे नाही, असा टोलाही त्यांनी लगावला.
भाजपने मतांसाठी काश्मिरी पंडितांचा वापर केला असल्याचा गंभीर आरोप फारुख अब्दुल्ला यांनी केला. ट्रम्प यांच्याप्रमाणे भाजपचे सरकारही जाईल. भाजप आणखी किती खोटं बोलणार, असा टोला लगावत आमची लढाई एका विचारधारेविरोधात असल्याचे त्यांनी म्हटले.
दरम्यान, उमर अब्दुल्ला यांनीही भाजपवर निशाणा साधला. 44 हून अधिक जागा मिळवण्याचे मिशन पूर्ण न झाल्याचा भाजप काश्मीरच्या जनतेचा बदला घेत आहे. मागील एक वर्षात सरकारने काय केले आहे ? राज्यात मागील एक वर्षात किती कारखाने सुरु झाले, हा प्रश्न मी राज्यपालांना विचारतो, असा सवाल त्यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.