फतेहाबादमध्ये हॉटेलवर छापा; वेश्या व्यवसाय करणाऱ्या 5 जणांना अटक

फतेहाबाद : फतेहाबादमधील (Haryana) भुना येथील बैजलपुरात एका खासगी हॉटेलवर छापा टाकून पोलिसांनी एका तरुणीसह दोन तरुणांना अटक केलीय. हॉटेलच्या काउंटरवर बसलेल्या अन्य दोन तरुणांनाही पोलिसांनी ताब्यात घेतलंय. पोलिसांनी (Police) अनैतिक व्यापार कायदा 1956 च्या कलम 3,4,5,6,7 नुसार गुन्हा दाखल करून तपास सुरू केलाय. पोलिसांनी आपल्याच कर्मचाऱ्याला हॉटेलमध्ये ग्राहक म्हणून पाठवलं होतं. अटक करण्यात आलेले तरुण हे गुराना आणि नाधोरी गावातील आहेत, तर तरुणीला गुरुग्राम येथून बोलावण्यात आलं होतं.

मिळालेल्या माहितीनुसार, बैजलपूर (Baijalpur) रोडवरील हॉटेलमध्ये वेश्या व्यवसाय सुरू असल्याची माहिती पोलिसांना मिळाली होती. त्यानंतर हेडकॉन्स्टेबल संदीपला 500 रुपयांची नोट देऊन साध्या वेशात हॉटेलमध्ये पाठवण्यात आलं. यानंतर इशारा मिळताच भुना पोलिस ठाण्याच्या व्यवस्थापकानं त्यांच्या पथकासह घटनास्थळी छापा टाकला. घटनास्थळावरुन हॉटेलचालक सोनूला अटक करुन त्याच्याकडून 2500 रुपयांची रोकड जप्त केलीय.

अटक करण्यात आलेल्या तरुणांपैकी एकानं आपलं नाव सुरेंद्र रा. गुराना, तर दुसऱ्याचं नाव विष्णू रा. नाधोडी असं सांगितलं. तर, तरुणीनं स्वतःची ओळख अंजली असल्याचं सांगितलंय, ती गुरुग्रामची रहिवासी आहे. महिला पोलीस कर्मचाऱ्यांनी तिची चौकशी केली असता मुलीनं सांगितलं की, ती इथं वेश्या व्यवसाय करण्यासाठी आली होती आणि हॉटेल चालक सोनूच्या सांगण्यावरूनच इथं पोहोचली. या पाच जणांना ताब्यात घेऊन पोलिसांनी तपास सुरू केलाय. डीएसपी अजायब सिंह म्हणाले, छापा टाकून गुरुग्राममधील एका तरुणीसह चार तरुणांना अटक करण्यात आलीय. पोलिसांनी गुन्हा दाखल करून तपास सुरू केलाय.