अमेरिकेचे अध्यक्ष डोनाल्ड ट्रम्प यांनी भारतीय उत्पादनांवर ५०% टॅरिफ लादल्याने भारतीय उद्योगासमोर एक नवीन आव्हान उभे राहिले आहे. सरकार यासंदर्भात अनेक पातळ्यांवर रणनीती आखत आहे. केंद्रीय अर्थमंत्री निर्मला सीतारमण यांनी निर्यातदारांच्या शिष्टमंडळाची भेट घेतली आणि या कठीण काळात सरकार त्यांच्या पाठीशी ठामपणे उभे असल्याचे आश्वासन दिले. निर्यातदारांच्या चिंता दूर करणे हे सरकारचे प्राधान्य असल्याचे त्या म्हणाल्या.