पद्म पुरस्कार विजेत्याचा दत्तक मुलीवर बलात्कार, गुन्हा दाखल | Sakal
sakal

बोलून बातमी शोधा

Padma Awardee Physical Abused Minor Girl

पद्म पुरस्कार विजेत्याचा दत्तक मुलीवर बलात्कार, गुन्हा दाखल

नवी दिल्ली : एका पद्म पुरस्कार विजेत्याने दत्तक घेतलेल्या अल्पवयीन मुलीवर बलात्कार केल्याची (Padma Awardee Physical Abused Minor Girl) घटना समोर आली आहे. त्याच्यावर पोक्सो कायद्यांतर्गत गुन्हा दाखल करण्यात आला असून ही घटना आसाममध्ये घडली आहे. पीडित मुलीवर वर्षभरापासून बलात्कार केला असल्याचे तक्रारीत नमूद करण्यात आले आहे.

हेही वाचा: क्रूरतेचा कळस! मृत्यूनंतरही नराधम पीडितेवर करत होते बलात्कार

तक्रार दाखल झाल्यानंतर आसाम पोलिसांनी पोक्सो कायद्यांतर्गत गुन्हा दाखल केला आहे. त्यानंतर आरोपीने गुवाहाटी उच्च न्यायालयात धाव घेतली. २८ डिसेंबरला अंतरिम जामीन मंजूर करण्यात आला. पण, हा गंभीर स्वरुपाचा गुन्हा आहे, असंही निरीक्षण न्यायालयानं नोंदवलं आहे. आरोपीच्या प्रतिष्ठेला मलिन करण्यासाठी गुन्हा दाखल करण्यात आल्याचा दावा आरोपीने याचिकेत केला आहे. तसेच बाल कल्याण समितीविरोधात देखील याचिका दाखल केली आहे. त्यामुळे त्यांना अंतरिम जामीन मंजूर करण्यात आला असल्याची माहिती आहे. तसेच एपआयआरमध्ये पीडितेचे कोणतेही विशेष वक्तव्य नाही. त्यामुळे न्याय हितासाठी अंतरिम आदेश दिले जाईल, असंही न्यायालयानं म्हटलं. तसेच याचिकाकर्त्याला ७ दिवसांत पोलिसांसमोर हजर राहण्याचे आदेश देखील न्यायालयानं दिले आहेत.

आरोपी पोलिसांसमोर हजर झाला होता. त्यानंतर त्यांचा जबाब देखील नोंदवण्यात आला. पण हे प्रकरण न्यायप्रविष्ठ असल्यामुळे यावर जास्त भाष्य करता येणार नाही, असं एका वरिष्ठ पोलिस अधिकाऱ्यानं सांगितलं.

काय आहेत आरोप? -

तक्रारीनुसार, १ वर्षानंतर अर्जाचं नुतनीकरण करण्याच्या अटीवर पीडितेला आरोपीला दत्तक देण्यात आले होते. एक वर्ष पूर्ण झाल्यानंतर बालकल्याण समितीनं वारंवार पत्र पाठवून देखील आरोपीनं अर्जाचं नुतनीकरण केले नाही. तसेच बालकल्याण समितीकडे मुलीला सोपवलं नाही. यंदा २८ ऑक्टोबरला पीडितेला बालकल्याण समितीसमोर आणले होते. त्यावेळी तिच्यावर बलात्कार झाल्याचे आढळून आले. ज्या व्यक्तीला दत्तक दिलं होतं त्यानेच तिच्यावर बलात्कार केल्याचा आरोप तक्रारीमध्ये करण्यात आला आहे.

बालगृहातील एका अल्पवयीन मुलीला या व्यक्तीच्या देखरेखीखाली ठेवण्यात आले होते. याच वर्षभरात तिच्यावर लैंगिक अत्याचार केल्याचा आरोप आहे. पीडित, इतर साक्षीदार आणि बालकल्याण समितीच्या विधानानुसार प्राथमिक निष्कर्षाच्या आधारे पीडितेला दत्तक घेतले तेव्हापासून तिच्यावर एक वर्ष बलात्कार केला गेला. वैद्यकीय चाचणीवरून देखील आरोप खरे असल्याचं प्रथदर्शनी दिसतं, असं जिल्हा विधी सेवा प्राधिकरणच्या सचिव बिचित्रा दत्ता म्हणाल्या.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :crime
loading image
go to top