Delhi Saket Court Firing: दिल्लीतील साकेत कोर्टात तोतया वकिलाचा गोळीबार; महिला गंभीर जखमी

दिल्लीतील साकेत कोर्ट परिसरात गोळीबार झाल्याची धक्कादायक माहिती समोर आली आहे. या गोळीबारामध्ये एक महिला गंभीर जखमी झाली आहे. त्या महिलेला उपचारासाठी रुग्णालयात दाखल करण्यात आले आहे.(Firing incident at Delhi Saket court woman injured )

मिळालेल्या माहितीनुसार, गोळीबार करणारी व्यक्ती वकील म्हणून कोर्टाच्या आवारात दाखल झाली होती. या तोतया वकीलाने महिलेवर चार गोळ्या झाडल्या ज्या तिच्या पोटात आणि इतर भागात लागल्या.

घटनास्थळी उपस्थित असलेल्या दिल्ली पोलिसांच्या एसएचओने महिलेला जीपमधून एम्समध्ये नेले, जिथे तिची प्रकृती चिंताजनक असल्याचे सांगण्यात येत आहे. हिस्ट्री शीटर असलेल्या आरोपीचीही ओळख पटली आहे. महिलेचा आणि या व्यक्तीमध्ये पैशांवरून जुना वाद झाल्याचे बोलले जात आहे.