पाटणा- बिहारमधील सुपोल येथे एकाच कुटुंबातील पाच जणांनी गळफास घेऊन आत्महत्या केल्याचे समोर आले आहे. राघोपूर ठाणे क्षेत्रातील गद्दी वॉर्डात राहणारे पती-पत्नी, दोन मुली आणि एक मुलगा एकाच खोलीत गळफास घेतल्याचे आढळून आले. या घटनेमुळे परिसरात एकच खळबळ उडाली आहे. घटनास्थळी ग्रामस्थांनी मोठी गर्दी केली आहे. आत्महत्येवरुन वेगवेगळ्या चर्चा होत आहेत.
पोलिसांकडून मिळालेल्या माहितीनुसार, राघोपूर पंचायतमधील गद्दी वॉर्ड 12 येथील मिश्री लाल साह (50) यांच्या घरातून दुर्गंधी येत असल्याने ग्रामस्थांनी सरपंचांना याची माहिती दिली. त्यानंतर सरपंचासह इतर लोकांनी घराला बाहेरुन लावलेले कुलूप तोडून आत प्रवेश केला. घरातील एक खोली आतून बंद होती. लोकांनी खिडकीतून पाहिले असता त्यांना पाच जणांनी दोरीच्या साहाय्याने गळफास घेतल्याचे दृश्य दिसले.
मृतांमध्ये मिश्री लाल साह पत्नी रेणूदेवी (45), त्यांच्या दोन अल्पवयीन मुली आणि एका मुलाचा समावेश आहे. ग्रामस्थांनी त्वरीत याची माहिती पोलिसांना दिली. घटनास्थळी पोलिस अधीक्षक मनोज कुमार, प्रशिक्षणार्थी पोलिस उपअधीक्षकांसह पोलिस निरीक्षक सुशांतकुमार चंचल यांनी त्वरीत धाव घेतली. प्राथमिक दृष्ट्या हा सामूहिक आत्महत्येचा प्रकार असल्याचे मानले जात आहे. अद्याप आत्महत्येचे कारण समजू शकलेले नाही. फॉरेन्सिक पथकही घटनास्थळी दाखल झाले आहे. पोलिसांनी अजूनही याबाबत काही सांगितलेले नाही. फॉरेन्सिक रिपोर्ट आल्यानंतरच ही आत्महत्या आहे की आणखी काही हे समजेल, असे पोलिसांनी म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.