देशाचे माजी पंतप्रधान मनमोहन सिंग यांचं गुरुवारी रात्री निधन झालं. त्यांच्यावर शनिवारी अंत्यसंस्कार करण्यात येणार आहेत. केंद्रीय गृह मंत्रालयाने शुक्रवारी मनमोहन सिंग यांच्या अंत्यसंस्काराबाबत माहिती दिली. मनमोहन सिंग यांच्या पार्थिवावर शनिवारी सकाळी ११ वाजून ४५ मिनिटांनी निगमबोध घाटावर अंत्यसंस्कार केले जाणार आहेत. शासकीय इतमामात त्यांच्यावर अंत्यसंस्कार केले जातील.