चॉकलेटचे आमिष दाखवून ३ वर्षीय मुलीसोबत अनैसर्गिक कृत्य

मध्य प्रदेशची राजधानी भोपाळमध्ये वृद्धाने तीन वर्षांच्या मुलीसोबत अनैसर्गिक कृत्य (Girls molestation) केल्याची घटना समोर आली आहे. याप्रकरणी आरोपीला अटक करण्यात आली आहे. अशोका गार्डन पोलिस ठाण्याचे प्रभारी आलोक श्रीवास्तव यांनी गुरुवारी सांगितले की, बुधवारी अशोका गार्डन पोलिस स्टेशन परिसरात ही घटना घडली.

तक्रारदाराची मुलगी घराबाहेर खेळत होती. त्याचवेळी वस्तीत राहणाऱ्या ५९ वर्षीय आरोपीने तिला चॉकलेट देण्याचे आमिष दाखवून जवळच्या स्टॉलवर नेले. हात ओढून तिला गाडीत नेऊन अनैसर्गिक कृत्य (Girls molestation) केले. याचदरम्यान गायत्री भास्कर (३०) या महिलेने त्यांना पाहिले आणि गोंधळ घातला. त्यानंतर काही लोकही तेथे जमा झाले, असे श्रीवास्तव यांनी सांगितले.

जमलेल्या नागरिकांपैकी एकाने पोलिसांना घटनेची माहिती दिली. माहिती मिळताच पोलिसांनी तत्काळ घटनास्थळ गाठून मुलीची सुटका केली आणि आरोपीला अटक केली. आरोपीविरुद्ध गुन्हा दाखल करण्यात आला आहे. आरोपीने यापूर्वी दोन-तीन वेळा परिसरातील अल्पवयीन मुलींसोबत (Girls molestation) असे कृत्य केल्याचे पोलिसांनी सांगितले. मात्र, लोकांच्या लज्जेच्या भीतीने कुटुंबीयांनी पोलिस ठाण्यात तक्रार दाखल केली नाही.