गोव्याचा विमान प्रवास डोंबिवलीच्या कॅब प्रवासापेक्षाही स्वस्त ! यजुरचं ट्विट चर्चेत

सिग्नल सोडता कुठेही न थांबता थेट बुकिंग केली की तुम्हाला हव्या त्या ठिकाणी पोहोचवून देण्यास सध्या ओला, उबर या वाहतूक सेवांचा महत्वाचा वाटा आहे.अलीकडे उबरचे दर वाढल्याने प्रवाशांना नेहमीपेक्षा प्रवासासाठी जास्त पैसे मोजावे लागत आहे.एका प्रवाश्याने प्रभादेवीपासून ते डोंबिवलीपर्यंत उबर बुक करताना त्याला मोबाईलवर दिसणारे दर थक्क करणारे होते.याबाबतचं त्याचं ट्विट सध्या सोशल मीडियावर चांगलंच चर्चेत आहे.त्याच्या या ट्विटवर अनेकांच्या प्रतिक्रिया उमटल्या आहेत.

श्रवणकुमार सुवर्णा प्रभादेवीपासून डोंबिवलीला जाण्यासाठी उबर बुक करण्यासाठी मोबाईलवर त्याला उबरचे जे दर दिसले ते खरं तर थक्क करणारे होते.त्याच्या ट्विट मध्ये त्याने तसा स्क्रिनशॉटही टाकलाय.यामध्ये उबरने प्रभादेवीपासून डोंबिवलीला जाण्याचा राईड रेट तिन ते पाच हजार एवढा दिसतोय.हा दर जवळपास गोवा फ्लाईटच्या दरा एवढा आहे.त्यामुळे त्याच्या या ट्विटवर अनेक प्रवाशांच्या वेगवेगळ्या प्रतिक्रिया उमटल्या आहेत.

उशीरा रात्रीपर्यंत प्रवास करणारे सगळे प्रवासी ओला किंवा उबर कॅब करतात.अश्यावेळी एका राईडचे तीन ते पाच हजार कुठल्याही प्रवाशाला न परवडणारे आहे.अनेकांनी रिट्विट करत आता उबरने प्रवास न करता आम्ही मनपा बसनेच जाणार अश्या प्रतिक्रिया व्यक्त केल्या आहेत.मात्र अनेकांना उशीरा रात्री प्रवास करताना बस किंवा ऑटो मिळत नाही.त्यामुळे अश्यांसाठी हा प्रवास न परवडणारा आणि महागडा ठरतोय.सगळ्याच स्तरावरून उबरच्या वाढत्या दरावर संताप व्यक्त केला जातोय.

अद्यापही श्रवणकुमारच्या या वायरल ट्विटवर उबरच्या अधिकृत अकाऊंटवरून प्रतिक्रिया आलेली नाही.मात्र उबरच्या या वाढत्या दरामुळे प्रवाशांरडून संताप व्यक्त होतोय.