गोवा सुरक्षा मंचाचे उमेदवार जाहीर

पणजी : लोकसभा व विधानसभा पोट निवडणुकीची घोषणा झाल्याच्या दुसऱ्याच दिवशी गोवा सुरक्षा मंचाने मांद्रे व शिरोडा विधानसभा पोट निवडणुकीतील उमेदवारांची घोषणा आज केली. मांद्रे मतदारसंघातून स्वरुप जयदेव नाईक तर शिरोड्यातून संतोष पंढरी सतरकर हे गोसुमंचे उमेदवार असतील असे पक्षप्रमुख सुभाष वेलिंगकर यांनी जाहीर केले.

ते म्हणाले, म्हापसा मतदारसंघातून पक्षासमोर दोन नावे आहेत. त्यापैकी एकाला उमेदवारी दिली जाईल आणि त्या नावाची घोषणा 17 मार्च रोजी केली जाईल. लोकसभेच्या दोन्ही जागांसाठी उमेदवारांची घोषणा 19 मार्च रोजी केली जाईल. गोसुमं उमेदवारीसाठी नेत्यांची आयात करणार नाही तर भारतीय भाषा सुरक्षा मंचाच्या आंदोलनात 2011 पासून सक्रीय असलेल्यांनाच उमेदवाऱ्या दिल्या जातील असे वेलिंगकर यांनी जाहीर केले. मांद्रे येथील प्रचार कार्यालयाचे 13 मार्च रोजी कर शिरोडा येथील कार्यालयाचे उद्धाटन 14 रोजी करण्यात येणार आहे.

मांद्रे मतदारसंघात कॉंग्रेसची आमदारकी सोडून भाजपमध्ये आलेले दयानंद सोपटे हे भाजपचे उमेदवार आहेत तर माजी मुख्यमंत्री लक्ष्मीकांत पार्सेकर हेही भाजपची उमेदवारी न मिळाल्यास अपक्ष लढणार आहेत. शिरोडा मतदारसंघात भाजपचे माजी मंत्री महादेव नाईक हे कॉंग्रेसमध्ये आले असून ते भाजपचे उमेदवार असतील तर भाजपची आमदारकी सोडून भाजपमध्ये गेलेले सुभाष शिरोडकर हे भाजपचे उमेदवार असतील.