वाढीव! नवरदेवाने लग्नासाठी छापली आधारकार्डवाली निमंत्रण पत्रिका

Aadhar Card Wedding Invitation: आपले लग्न अविस्मरणीय व्हावे, यासाठी प्रत्येक जण काही ना काही प्रयत्न करत असतात. आज-काल कित्येक जण आपल्या लग्नामध्ये काही ना काही हटके गोष्ट करतात आणि त्याचे व्हिडिओ, फोटो नेहमी सोशल मिडियावर व्हायरल होत असतात. लग्नामध्ये आजकाल पाहुण्यांना निमंत्रण पाठविण्यासाठी सध्या हटके पत्रिका तयार केल्या जातात. सध्या असेच एका लग्नाचे निंमत्रण पत्रिका खूप चर्चेत आहे.

एका जोडप्याने आपल्या लग्नाच्या निमंत्रण पत्रिकेसाठी आधार कार्डची थीम निवडली आहे. लोकांना ही आधार कार्डवाली लग्न पत्रिका फार आवडली आहे. आधार कार्डवाल्या लग्न पत्रिकेवर लग्नाची सविस्तर माहिती क्रिएटिव्हली मांडली आहे. कार्डमध्ये आधार नंबरच्या ऐवजी लग्नाची तारीख लिहिली आहे तसेच त्यासोबत बारकोड देखील दिला आहे.

सोशल मिडियावर कार्ड खूप व्हायरल होत आहे. लोकांनी ही क्रिएटिव्ह आयडिया प्रचंड आवडली आहे. ही पत्रिका छत्तीसगडमधील जशपूरमध्ये जिल्ह्याच्या फरसाबहार ब्लॉक अंकिरा गावातील रहिवासी असलेल्या लोहीत सिहं नावाच्या तरुणाची आहे. त्याने डिजिटल पत्रिका तयार केली आहे. लोहित सिंह हा अंकिरा गावातील लोक सेवा केंद्राचे काम पाहतो. लोक सेवा केंद्रामध्ये लोक आधार कार्ड बनवितात. त्यासोबतच इंटनेट, प्रिटिंह, फोटो कॉपी आणि लग्नाचे आधार कार्ड छपाई संबधीत काम तो पाहत आहे.