वडिलांचा मृत्यू, आई विदेशात; काळजीवाहू पालकांनी चिमुकलीवर ओतलं गरम पाणी

अमरावती : काळजीवाहू पालकांनी ७ वर्षीय चिमुकलीवर गरम पाणी टाकल्याची हृदयद्रावक घटना समोर आली आहे. यामध्ये चिमुकली गंभीर भाजली असून घरकाम करत नसल्यानं त्यांनी हे कृत्य केलं आहे. आंध्र प्रदेशातील (Andhra Pradesh) पश्चिम गोदावरी जिल्ह्यातील जांगरेड्डीगुडेम येथे ही घटना घडली आहे.

मिदुला असे या ७ वर्षीय चिमुकलीचे नाव आहे. तिच्या वडिलांचा काही दिवसांपूर्वी मृत्यू झाला. तिची आई दुर्गा ही कुवेतमध्ये राहते. त्यामुळे तिने आपल्या मुलीला मैत्रिण यनामदला लक्ष्मी हिच्याकडे सोडले. ते तिचे काळजीवाहू पालक होते. पण, लक्ष्मी ही मुलीवर अत्याचार करत होती. ती तिला घरगुती कामे सांगायची. कामे केली नाहीतर तिला मारहाण करायची. दोन दिवसांपूर्वी लक्ष्मीने मिदुलाला काम सांगितलं. पण, तिनं केलं नाही. त्यामुळे तिच्या अंगावर गरम पाणी ओतले. त्यामुळे ती गंभीर भाजली गेली. शेजाऱ्यांनी घटनेची तक्रार पोलिसांत दिली. पोलिस घटनास्थळी पोहोचताच त्यांनी मुलीला रुग्णालयात उपचारासाठी नेले. त्यानंतर लक्ष्मीवर गुन्हा दाखल केला.

दरम्यान, पोलिसांनी लक्ष्मीची कसून चौकशी केली असता मुलगी घरात चोरी करायची. त्यामुळे तिला मारहाण केल्याचा दावा तिने केला असल्याचे स्टेश हाऊस ऑफिसर बाला सुरेश यांनी ANI सोबत बोलताना सांगितले.