Gudi Padwa 2026: भोपाळमध्ये 'मराठी' थाट! मुख्यमंत्र्यांनी घातली पेशवाई पगडी; ढोल-ताशांच्या गजरात गुढी उभारून केले नववर्षाचे स्वागत

मध्य प्रदेशात आज गुढीपाडव्याचा उत्साह शिगेला पोहोचला असून मुख्यमंत्री निवासस्थानी (CM House) खऱ्या अर्थाने 'महा-उत्सव' साजरा झाला. मुख्यमंत्री डॉ. मोहन यादव यांनी चक्क पारंपारिक मराठी वेशभूषा परिधान करून आणि ढोल-ताशांच्या गजरात हिंदू नववर्षाचे स्वागत केले.

मध्य प्रदेशातील समस्त मराठी समाजाच्या वतीने मुख्यमंत्री निवासस्थानी गुढीपाडव्यानिमित्त विशेष कार्यक्रमाचे आयोजन करण्यात आले होते. यावेळी मुख्यमंत्र्यांनी परिधान केलेली पेशवाई पगडी आणि अंगावर घेतलेला शाल-पटका सर्वांचे लक्ष वेधून घेत होता.