गुजरातमध्ये काँग्रेसची 'शांतीत क्रांती' करण्याची योजना; खुद्द मोदींनी केला दावा

नवी दिल्ली : आता माझ्याविरोधात अपशब्द बोलण्याचे कंत्राट काँग्रेसने दुसऱ्याला दिले, अशी घणाघाती टीका पंतप्रधान नरेंद्र मोदी यांनी मंगळवारी केली. राजकोट जिल्ह्यातील जामकादोर्णा शहरातील एका सभेत मोदींनी भारतीय जनता पक्षाच्या (भाजप) कार्यकर्त्यांना आणि समर्थकांना विधानसभा निवडणुकीच्या पार्श्वभूमीवर संबोधित केलं. (Narendra Modir news in Marathi)

मोदी म्हणाले की, काँग्रेसने त्यांच्या विरोधात बोलणे बंद केले आहे. आता ते ग्रामीण मतदारांना आपल्या बाजूने आकर्षित करण्यासाठी शांतपणे काम करत आहे. मागील 20 वर्षांत गुजरातच्या विरोधात असलेल्यांनी राज्याची बदनामी करण्याची कोणतीही कसर सोडली नाही. त्यांनी मला 'मौत का सौदागर' संबधोल्याचं मोदी म्हणाले. मोदींनी केलेल्या दाव्यामुळे गुजरातमध्ये चर्चेत नसलेली काँग्रेस शांतीत क्रांती करण्याच्या प्रयत्नात दिसत आहे.

आम आदमी पक्षाचे (आप) नाव न घेता मोदी म्हणाले, काँग्रेस अचानक शांत झाले आहे. माझ्या विरोधात अपशब्द वापरण्याचं कंत्राट त्यांनी इतरांना दिलं आहे. ते आता शांतपणे गावोगावी जाऊन प्रचार करत आहेत. त्यामुळे विरोधी पक्षाच्या शांतपणे काम करण्याच्या या रणनीतीपासून मी तुम्हाला सावध करतो. हे लोक दिल्लीतून गुजरातविरुद्ध कट रचत असल्याचा आरोपही मोदींनी केला.

दरम्यान भारताचे पहिले गृहमंत्री सरदार वल्लभभाई पटेल यांच्या सन्मानार्थ गुजरातमध्ये बांधलेल्या 'स्टॅच्यू ऑफ युनिटी'ला विरोधकांनी कधी भेट दिली नाही. गुजरातचे सुपुत्र सरदार पटेलांना मान न देणाऱ्यांना गुजरातमध्ये थारा देऊ नये, अस आाहनही पंतप्रधान मोदींनी केलं आहे.