नवी दिल्ली - गुजरातमधील वनतारा प्राणी पुनर्वसन केंद्रात नेण्यात आलेल्या महादेवी हत्तीणीला कोल्हापूरच्या नांदणी मठाकडे परत सोपविण्याबाबत दाखल झालेल्या याचिकेत त्रुटी असल्याचे ताशेरे सर्वोच्च न्यायालयाने गुरुवारी ओढले..या प्रकरणात कोणालाही पक्षकार बनविण्यात आलेले नाही. अशा स्थितीत कोणा संस्थेवर आरोप केले जाऊ शकत नाहीत, असे सांगत न्या. पंकज मित्तल आणि न्या. पी. बी. वराले यांच्या खंडपीठाने सुनावणी सोमवारपर्यंत लांबणीवर टाकली..याचिकाकर्त्याने वनतारा संस्थेला पक्षकार बनवावे, असे सांगतानाच योग्य त्या कायदेशीर प्रक्रियेचा अवलंब केल्याशिवाय याचिकेवर विचार केला जाणार नाही, असे खंडपीठाने स्पष्ट केले. वनतारामध्ये ठेवण्यात आलेल्या हत्तीणीला तिच्या मूळ मालकाकडे परत पाठवले जावे..तसेच त्याठिकाणी असलेले सर्व पशू-पक्ष्यांना जंगलात सोडण्याच्या अनुषंगाने समितीची स्थापना करण्याचे निर्देश दिले जावेत, असे याचिकेत नमूद केले आहे. विदेशी जनावरे आणि पक्षांची सुटका करण्याच्या नावाखाली वनतारामध्ये तस्करी करण्यात आली असल्याचा आक्षेपही याचिकेत घेण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
