मुसळधार पावसाचा हाहाकार! पूल कोसळून ६ जणांचा मृत्यू, भूस्खलनामुळे रस्ते बंद

पश्चिम बंगालला मुसळधार पावसानं झोडपलं असून अनेक भागात अतिवृष्टी झालीय. दार्जिलिंगमध्ये मुसळधार पावसामुळे मिरिक भागातील एक लोखंडी पूल कोसळून दुर्घटना घडलीय. यात ६ जणांचा मृत्यू झाला असून काही जण बेपत्ता असल्याची माहिती समजते. कोसळलेला पूल मिरिक आणि जवळपासच्या भागाला सिलीगुडी-कुर्सियांगला जोडत होता. मुसळधार पावसात घडलेल्या दुर्घटनेमुळे परिसरात गोंधळ उडाला आहे. पूल कोसळल्याची माहिती मिळताच स्थानिक प्रशासनाने बचावकार्य सुरू केलंय. भूस्खलन आणि पुराचा धोका असल्यानं बचावकार्यातही अडथळे येत आहेत.