Himachal Pradesh : हिमाचल प्रदेशमध्ये गेल्या 24 तासात विविध भागात महापूर, भूख्खलन आणि अपघातामध्ये तब्बल 21 जणांचा मृत्यू झाला आहे. दुसरीकडे उत्तराखंडच्या विविध भागात ढगफुटीच्या मालिकेत 4 जणांचा मृत्यू झाला, तर १० जण बेपत्ता झाले.
ऑरेंज अलर्ट दरम्यान शुक्रवारी रात्रीपासून सुरू असलेल्या मुसळधार पावसामुळे हिमाचल प्रदेशात कहर केला आहे. मंडी, चंबा आणि कांगडा जिल्ह्यात 20 जणांचा मृत्यू झाला आहे, तर सहा जण बेपत्ता आहेत. मंडीमध्ये एकाच कुटुंबातील आठ, चंबामध्ये तीन, शिमला येथील थेओग आणि कांगडा जिल्ह्यातील प्रत्येकी दोन अशा 13 जणांचा मृत्यू झाला आहे. तर हिमाचल प्रदेशात पावसामुळे भूस्खलन, अचानक आलेला पूर आणि ढगफुटीच्या घटनांमध्ये किमान 21 लोकांचा मृत्यू झाला, तर 6 जण बेपत्ता झाले आहेत.
कांगडा येथील ब्रिटीशकालीन चक्की खड्डावरील रेल्वे पूल कोसळला आहे. तर पठाणकोट ते जोगिंदरनगर या मार्गावरील सर्व गाड्यांची वाहतूक 17 जुलैपासून बंद आहे. खराब हवामानामुळे मणिमहेश यात्रा दोन दिवस पुढे ढकलण्यात आली आहे. भरमौर-हडसर रस्ता सध्या ठप्प आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.