Republic Day 2023 : राष्ट्रीय सणाला घर असं सजवून घ्या खास फील

Republic Day Decoration Ideas: प्रजासत्ताक दिनाला खूप महत्व आहे, भारतीय प्रजासत्ताक दिवस हा दरवर्षी २६ जानेवारी रोजी पाळला जाणारा राष्ट्रीय दिन आहे, या दिवशी आपले संविधान १९५० पासून अंमलात आलेले.

जवाहरलाल नेहरू यांनी ३१ डिसेंबर, इ.स. १९२९ रोजी लाहोरजवळ रावी नदीच्या काठी तिरंगा फडकावून पूर्ण स्वराज्याची (स्वातंत्र्याची) घोषणा केली होती त्याची आठवण म्हणूनही २६ जानेवारी हा दिवस राज्यघटना अंमलात आणण्यासाठी निवडण्यात आला. या दिवशी देशभरात भारताच्या राष्ट्रध्वजाचे आरोहण होऊन त्याला वंदना दिली जाते. 

२६ जानेवारी आणि १५ ऑगस्ट सकाळी लवकर उठून शाळेत जाऊन शाळेच पटांगण सजवायचे, फळ्यावरती चित्र काढायचे आणि रांगोळ्या काढायच्या, तुमच्याही अशा आठवणी असतील नाही? मग या आठवणी आता परत क्रिएट करा, आपलं घर छान घर सजवून.  

यासाठी तुम्ही या टिप्स फॉलो करू शकतात. 

१. वॉल डेकोरेशन: आपल्या घराची एक भिंत निवडा आणि तिला छान सजवा; सजवतांना प्रामुख्याने आपल्या तिरंग्याचे रंग घ्या, अर्थात तुम्हाला आपल्या भिंतीचा रंग बदलायचा नाहीये पण तुम्ही क्राफ्टिंग आयडिया वापरुन काही छान गोष्टी बनवू शकतात. गणपतीच्या वेळेस आणलेल्या फुलांच्या माळा लटकवू शकतात. 

२. वॉल हँगिंग: घोटीव कागद वापरुन तुम्ही हे हँगिंग बनवू शकतात. आपल्या भिंतीच्या मध्यभागी सुद्धा तुम्ही हे हँगिंग अडकवू शकतात किंवा बाल्कनीमध्ये किंवा खिडकीजवळ सुद्धा हे छान दिसतील. 

३. पेन स्टँड आणि इतर वस्तू: तिरंग्याचे डिझाईन असलेले पेन स्टँड किंवा फोटो फ्रेमही तुम्ही बनवू शकतात. हे पेन स्टँड तुम्ही कार्डबोर्डने किंवा जुन्या बाटल्यांच्या मदतीने बनवू शकतात. फोटो फ्रेमसाठीही तुम्हाला फक्त जुनी रद्दी लागेल.

अशा काही आयडिया वापरून तुम्ही आपलं घर सजवू शकतात, छान कपडे घालून फोटोही काढू शकतात आणि आपल्या देशाबाबत कृतज्ञताही व्यक्त करू शकतात.