आयएएस अधिकाऱयाची गुणपत्रिका पाहाच...

नवी दिल्ली : जिद्द असेल तर कोणतीही गोष्ट अशक्य नाही. बारावीच्या परिक्षेत काठावर पास होऊनही एखादा विद्यार्थी आयएएस होऊ शकतो. आयएएस अधिकारी नितीन संगवान यांनी हे करून दाखवले आहे.

नितीन संगवान यांनी ट्विटरवरून बारावीची गुणपत्रिका व्हायरल केली आहे. सीबीएसईच्या बारावी इयत्तेत ते 2002 मध्ये अगदी काठावर पास झाले आहेत. केमिस्ट्री या विषयात त्यांचे गुण घसरल्याचे गुणपत्रिकेत पाहायला मिळते. गुणपत्रिकेविषयी त्यांनी लिहिले आहे की, 'बारावी इयत्तेमध्ये मला केमिस्ट्रीमध्ये 24 गुण मिळाले होते. उत्तीर्ण होण्यासाठीच्या अपेक्षित गुणांपेक्षा अवघा एक गुण जास्त. पण, मला जीवनात काय साध्य करायचे होते, हे काही या गुणांना ठरवता आले नाही. त्यामुळे आपल्या पाल्यांवर गुणांच्या अपेक्षेचं ओझे देऊ नका. बोर्डाच्या या निकालांच्या पलीकडेहील एक सुंदर आयुष्य आहे.'

सोशल मीडियावर खुद्द आयएएस अधिकाऱ्याने  स्वत:चेच उदाहरण देत सर्वांपुढं आदर्श ठेवला आहे. अनेकांनीच त्यांचे हे ट्विट रिट्विटही केले आहे. सोशल मीडियावर नितीन संगवान यांची गुणपत्रिका व्हायरल होत आहे.