आनंद महिंद्रा म्हणतात, माझा धंदाच बंद होईल

मुंबई : सोशल नेटवर्किंग साईट ट्विटरवर महिंद्रा समूहाचे अध्यक्ष आनंद महिंद्रा हे खूप सक्रीय असतात. आपल्या वेगवेगळ्या ट्विट्समुळे अनेकांचे लक्ष वेधून घेतात. एका खोडसाळ ट्विटर युजरला उत्तर देताना  'माझा धंदाच बंद होईल' असे म्हणाले, त्यामुळे त्यांनी दिलेले उत्तर पुन्हा एकदा चर्चेत आले आहे. 

ट्विटर विपूल नावाच्या एका युजरने आपल्या वाढदिवसानिमित्त आनंद महिंद्रा यांच्याकडे एक मागणी केली. मी तुमचा खूप मोठा फॅन आहे. तुम्ही मला तुमच्या कंपनीची महिंद्रा थार माझ्या वाढदिवसानिमित्त भेट देऊ शकाल का?

त्याला उत्तर देताना आनंद महिंद्रा म्हणाले, आजच्या दिवसातील महत्त्वाचा शब्द म्हणजे अतिआत्मविश्वास. तुम्ही विपूलवर प्रेम करा किंवा त्याचा द्वेष करा. पण त्याच्या अतिआत्मविश्वासाची दखल घ्यावी लागेल. त्यासाठी त्याला पूर्ण मार्क द्यावे लागतील. पण विपूल मी तुझी मागणी काही पूर्ण करू शकत नाही. माझा धंदाच बंद होईल.