Dolo IT Raid : डोलो-650 च्या ठिकाणांवर इन्कम टॅक्सची छापेमारी | Sakal
sakal

बोलून बातमी शोधा

Dolo650
Dolo IT Raid : डोलो-650 च्या ठिकाणांवर इन्कम टॅक्सची छापेमारी

IT Raid : डोलो-650 च्या ठिकाणांवर इन्कम टॅक्सची छापेमारी

नवी दिल्ली : पॅरासिटामोल टॅब्लेट बनवणाऱ्या डोलो-६५० कंपनीवर आणि तिच्या मालाकांच्या विविध ठिकाण्यांवर प्राप्तिकर विभागानं बुधवारी छापेमारी केली. बंगळुरुस्थित मायक्रो लॅब्स लिमिटेड या कंपनीनं डोलो-६५० हे टॅब्लेट बनवलं आहे. कंपनीच्या या कार्यालयावरही छापे टाकण्यात आले आहेत. (Income tax raids on Dolo 650 drug company and owner premises)

हेही वाचा: सरकारची मोठी घोषणा! बुस्टर डोसचा कालावधी झाला कमी

प्राप्तिकर विभागाच्या माहितीनुसार, बुधवारी देशातील ४० ठिकाणांवर छापेमारी करण्यात आली. या कारवाईमध्ये सहभागी झालेल्या २०० अधिकाऱ्यांनी डोलो कंपनीच्या विविध ठिकाणांवर छापेमारी केली. यामध्ये बंगळुरु येथील मुख्यालय, नवी दिल्ली, सिक्कीम, पंजाब, तामिळनाडू आणि गोवा येथील कार्यालयांचा समावेश आहे. मायक्रो लॅब्सचे सीएमडी दिलीप सुराना आणि संचालक आनंद सुराना यांच्या घरांवरही छापेमारी करण्यात आली आहे.

हेही वाचा: मुख्तार अब्बास नक्वी यांचा अल्पसंख्यांक मंत्रीपदाचा राजीनामा

बंगळुरु येथील मायक्रो लॅब्स लिमिटेडच्या कार्यालयात छापेमारीदरम्यान अधिकाऱ्यांनी महत्वाच्या कागदपत्रांची तपासणी केली. कंपनीनं करचोरी केल्याचा आरोप प्राप्तिकर विभागानं केला आहे, त्याच संदर्भात ही छापेमारी करण्यात आल्याचं अधिकाऱ्यांचं म्हणणं आहे.

कोरोना काळात कमावला मोठा नफा

कोविडच्या काळात डोलो-६५० गोळ्यांची मोठ्या प्रमाणावर विक्री झाली होती. कोरोनाग्रस्त व्यक्तीला याच गोळ्या घेण्याचा सल्ला डॉक्टर्स देत होते. त्यामुळं कंपनी नावारुपाला आली आणि मोठ्या प्रमाणावर नफाही कंपनीनं कमावला. असं सांगितलं जातं की, कंपनीनं सन २०२०मध्ये कोरोनाच्या उद्रेकानंतर ३५० कोटी रुपयांच्या गोळ्यांची विक्री केली. तसेच वेगानं आपल्या स्पर्धक कंपन्यांच्या पुढे जात एका वर्षात ४०० कोटी रुपयांचा महसूल कमावला.

झेरॉक्स आणि बिसलेरीशी होतेय डोलोची तुलना

पॅरासिटामोल गोळ्या म्हणजेच डोलो-६५० असं आता समिकरण झाल्याचं पहायला मिळत आहे. त्यामुळं सहाजिकचं फोटोकॉपी काढणाऱ्या झेरॉक्स कंपनीची मशीन आणि मिनरल वॉटर विक्री करणारी बिसलेरी कंपनीशी डोलो कंपनीची तुलना केली जात आहे.

Web Title: Income Tax Raids On Dolo 650 Drug Company And Owner Premises

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..