नवी दिल्ली (पीटीआय) : अमेरिकेने आयात शुल्कात वाढ केल्याच्या पार्श्वभूमीवर वाणिज्य मंत्रालयातर्फे देशातील निर्यातदारांना जगभरात नव्या बाजारपेठांचा शोध घेण्यासाठी प्रोत्साहन देण्यात येणार आहे. त्याचप्रमाणे आयातशुल्क वाढीच्या परिणामस्वरूप चीनसारख्या देशांकडून वाढणाऱ्या आयातीवर लक्ष ठेवण्यासाठी एक कार्यगट स्थापन करण्याची प्रक्रियाही सुरू करण्यात आल्याची माहिती अधिकृत सूत्रांनी दिली.